Wir^a) baid gebrůder V^olrich vnd Liechtenstain von Haldenstain¹ kúndint vnd vergehint offenlich an || disem brief allen den, die in an sehent oder ho^erent lesen, daz wir mit gůter williger vorbetrachtung || nach ra^vt v´nser frúnd vnd erben habint geben ze ko^vffenn recht redlich vnd aigenlich ains sta^eten || vnd ewigen ko^vfs dem fromen vnd wolbeschaidenn V^olrichen von Sax² vnd sinen erben, ob er nit wa^er, v´nsern hof, der gelegen ist am Bu^el³, vnd die lút vnd gu^eter, die da sind vnd die vntz her da v´nser gewesen sint, vnd als si v´ns vorma^vls V^olrich von Richenstain⁴ die selben lút vnd gu^eter ze ko^vffenn geben hatt vnd als sú o^vch der vorbenempt V^olrich von Richenstain inn gehept ha^vt von recht ald von gewonhait, sunderlich habent wir o^vch vss genomen in disem ko^vf vnd von den vorbenemten lúten Hansen den Rútiner vnd a^ellú sinú kint vnd den Knupen, vnd doch mit der beschaidenhait, wa^eri ob der vorbenempt Knup iena kain ligent gůt hetti, es wa^er lútzel oder vil, dz sol im vnd sinen erben werden a^vn menglichs widerred a^vn geua^erd, also vnd mit so^elicher gedingd ha^vnd wir vnd v´nser erben im vnd sinen erben disen hof vnd die lút vnd die gu^eter,^b) bi dem selben hof gelegen sind vnd dar zů geho^erent, si sigint benempt ald vnbenempt, besůcht ald wnbesůcht^c), ze ko^vffenn geben aigen fúr aigen lehen fúr lehen vmb sibentzig pfund pfenning Costentzer múns, der wir gar vnd gentzlich von im gewert sint nach v´nserm willen, vnd entzihent wir^d) fúr v´ns vnd v´nser erben an dem vorbenemten hof vnd lúten vnd gu^etern, als vor ist beschaiden, aller aigenschaft aller lehenschaft vnd aller gewaltsami, die wir vf disen hútigen tag an dem vorbenemten ho^vf vnd den lúten vnd gu^etern, als vor geschriben sta^vt, gehept ha^vnd von recht ald von gewonhait, vnd sond wir noch v´nser erben in noch sin erben an dem hof vnd an den lúten vnd gu^etern, als vor geschriben sta^vt, niemer gesumen noch geierren mit dehainen sachen süss noch so, vnd dz dir ko^vf vmb den hof vnd vmb die lút vnd gu^eter, als vor ist beschaiden, vest vnd sta^et belib vnd beliben sol, dez ze vrkúnd henkent wir baid gebrůder V^olrich vnd Liechtenstain von Haldenstain v´nsrú aignú insigel fúr v´ns vnd v´nser erben an disen brief, dar vnder wir v´ns bindint vnd verbunden habint sta^et ze ha^vnd alles, dz hie von v´ns an disem^e) geschriben sta^vt. Ich vorbenemter V^olrich von Richenstain entzieh mich fúr mich vnd min erben an dem hof vnd an den vorbenemten lúten vnd gu^etern, als vor geschriben sta^vt, aller aigenschaft aller lehenschaft vnd aller gewaltsami, die ich ie an^f) dem hof vnd lúten vnd gu^etern gehept ha^vn von recht ald von gewonhait. Des ze vrkúnd so henk ich vorbenemter V^olrich von Richenstain min aigen insigel an disen brief sta^et ze ha^vnd alles, daz hie von mir an disem brief geschriben sta^vt. Der geben ist ze Veltkirch⁵ an dem na^echsten ma^entag nach sant Niclaus tag in dem jar, do man zalt von Cristus gebúrt drúzehenhundert vnd sibentzig jar, dar nach in dem sibenden jar.

Source Fulltext: Chartularium Sangallense IX, Nr. 5622, S. 292-293.