Wir^a) der burgermaister der rat vnd alle burger gemainlich arm vnd riche der stat ze Giengen¹ veriehen || offenlich vnd ainmu^eteclich vnd tu^egen kunt aller menglich mit disem briefe, wan daz ist, daz ditz nach||genempten dez hailigen Ro^emschen richs stette in Swaben Vlme, Costentz, Ezzlingen², Rútlingen³, Rotwil⁴, Wile⁵, || V´berlingen⁶, Memmingen⁷, Bibrach⁸, Rauenspurg⁹, Lindow¹⁰, sant Gallen, Kemptun¹¹, Koufbúrren¹², Liv´kirch¹³, Ysni¹⁴, Wangen¹⁵, Bůchorn¹⁶, Bůchowe¹⁷, No^erdlingen¹⁸, Dinkelspúchel¹⁹, Gemúnd²⁰, Hailprunnen²¹, Halle²², Winphen²³, Winsperg²⁴, Phofingen²⁵, Aulen²⁶, Rotenburg vff der Tuber²⁷ vnd Phullendorfe²⁸ got ze lob dem hailigen Ro^emschen rich ze nutz vnd ze eren in selbe vnd dem land ze frid vnd ze gemach sich selbe ze samen verstrikt vnd verbunden hand vnd ainer lieblicher frúntschaft mitainander v´ber ain komen sint mit aiden, ainander getrúlich bigestendig vnd beholffen ze sind nach dez bundbriefz sag, den och si ainander darvmbe besigelt vnd gegeben hand, vnd doch in dem selben irem bund dem hailigen riche alliv siniv´ recht ze halten vnd ze tu^end mit namen behalten vnd vzzgesetzt a^vne alle geuerd, so haben wir vns mit gůten fúrsa^etzen mit wolberatem sinne vnd můt durch mer nutz fridez vnd gemaches willen vnser selbz vnd der egenanten stett vns zů den vorgenanten stetten in den egenanten iren bunde tugentlich verschrkt^b) vnd verbunden vnd och dar vmb liblich zů got vnd zů den hailigen gesworen gelert aid mit vffgebotnen vingern, den selben iren bund luterlich vnd a^vne alle geuerd mit in ze halten ze laisten vnd ze volfu^eren in allen mainongen puneten vnd artikeln, alz och der wiset vnd gemacht ist vnd alz och der selbe ir buntbriefe von wort ze wort begriffen vnd verschriben stat. Vnd dez allez ze warem vnd offem vrkund geben wir den vorgenanten stetten vnd iren nachkomen fúr vns vnd fúr vnser nachkomen disen briefe besigelt mit vnserm aigem gemainem angehenktem insigel. Der geben ist an sant Michelz aubent, do man zalt von Cristz gebúrt drivzehenhundert jar, dar nach in dem acht vnd sibentzigostem jar.

Source Fulltext: Chartularium Sangallense IX, Nr. 5663, S. 338-339.