In nomine domini amen. Universis et singulis hoc presens publicum instrumentum intuentibus pateat evidenter, quod sub anno a nativitate eiusdem millesimo trecentesimo septuagesimo nono, pontificatus sanctissimi in Christo patris et domini nostri domini Vrbani divina providencia pape sexti anno primo, indictione secunda, mensis aprilis, die sexta, hora terciarum vel quasi ipsius diei, in oppido sancti Galli Constan(ciensis) diocesis et ibidem in thesauria monasterii sancti Galli ordinis sancti Benedicti in testium et mei notarii publici subscriptorum presencia personaliter constitutus honorabilis et religiosus dominus Cůno de Sto^effeln¹ prepositus monasterii sancti Galli ordinis et diocesis predictorum in abbatem dicti monasterii ad apostolicam sedem absque ullo medio pertinentis electus ipseque dominus Cůno ut predicitur electus a domino Nicolao de V^otzingen² compromissario et custode dicti monasterii requisitus et interrogatus, an ipse electioni huiusmodi de se facte consenciat vel consentire velit et intendat. Qui quidem dominus Cůno electus dicebat, volo deliberare, et statim traxit se ad partem cum hiis, quibus confidebat, super hiis deliberando, et facta ac prehabita deliberatione diligenti et matura respondebat, quamvis me minus dignum ad regimen huius monasterii reputem, de illius tamen misericordia, qui in se sperantes non desinit, confisus ordinationi dei nolo contradicere, quinymo huic electioni de me facte consencio. Et ut de hiis unum publicum conficerem instrumentum, dominus Nicolaus de V^otzingen compromissarius memoratus me notarium publicum subscriptum cum instancia requisivit. Acta fuerunt hec apud sanctum Gallum anno domini pontificatus indictione mense die hora et loco prescriptis presentibus discretis viris Růdolfo de Liechtenstaig³ et Johanne Hoer laicis Constanc(iensis) diocesis testibus ad premissa vocatis pariter et rogatis. Et ego Conradus Talackrer clericus Constan(ciensis) diocesis publicus ut prius^a).

Source Fulltext: Chartularium Sangallense IX, Nr. 5706, S. 367.