Wir^a) die na^vchgenempten Bartholome der Bla^vrrer vnd Walther O^edler || pfleger der armen lút ze sant Gallen an dem Linsibu^el¹ veriehend vnd verkúndend mit || vrkúnd dis briefes fúr v´ns vnd fúr alle v´nser na^vchkomen, das wir vmb nutz || vnd bessrung des hus der armen siechen ainen rehten vnd vngeva^vrlichen wehsel geta^vn habin mit Werlin dem Fúrer vnd mit willen siner kind die a^ekker ze Tu^errenmúli², die man nemmet die a^ekker an dem Morgen³, vnd ainen akker ob der wis ze Bra^vmen o^vw⁴, die in den hof vnd vff das gůt ze Tu^errenmúli von alter vnd von reht gehortvn, vmb die a^ekker an dem Sunder⁵, die ain reht ledig aigen wa^vren Werlis des Fúrers vnd vnanspra^echig von ma^englichem. Ich Werli der Fúrer vergich o^vch mer fúr mich vnd min erben, das ich mich verzih ietz vnd hie na^vch des ho^vzehenden ze Ebnot⁶ wisli gar vnd ga^entzlich, won es o^vch in den wehsel gedingot vnd geredt ward. Diser sach sind o^vch gezúg herr Berhtold ze denon ziten kapplan der armen lúte, V^eli von Hofen⁷ vnd sin sun ze den selbon ziten buwlút der^b) vorgeschribnen hofs ze Túrrenmúli vnd Cu^eni an dem Aigen⁸ vnd Hans Zeller, vnd das dis alles wa^vr vnd sta^et belib, so verbind ich mich Werli Fúrer vnd min erben hinder der armen lút insigel, die ir insigel an disen brief gehenkt habend durch miner bett willen, won ich aigens insigel nút ha^vn. Der brief ist geben, do man zalt von Cristus gebúrt drúzehenhundert ja^vr, sibentzig ja^vr, darnach in dem núnden ja^vr, an sant Marcus tag.

Source Fulltext: Chartularium Sangallense IX, Nr. 5710, S. 369.