Wir Leupolt von go^ets gnaden hertzog ze O^ester(rich)¹ ze Steyr ze Kernden vnd ze Krain graf ze Tyrol etc. tůn kunt, daz || wir vnserm getru^ewen lieben Herman dem Bu^eler gegunnet vnd erlaubt haben gunnen vnd erlauben auch wizzentlich mit || disem brief, daz er die mu^eli ze Rapreswile², die Hans von Wilberg³ genant von To^essegg⁴ in satzs wise von vns hat, an || sich geledigen vnd gelo^esen mag vmb als vil gelts, als si demselben Wilberg nach seiner brief sag stat, vnd slahen im auch vf dieselben mu^eli zwaintzig march silbers, die wir im vmb sinen dienst schuldig sein, also daz er vnd sin erben das vorgenant gelt daruf haben su^ellen ane abslag der nu^etz, als lang vntz daz vnser lieber brůder hertzog Albr.⁵ wi^er oder vnser erben die vorgenant mu^eli nach irer brief sag von in erledigen vnd erlo^esen, vnd su^elln vns auch der losung gehorsam sin vnd stat tůn, wenn wir si mit irm gelt ermanen, ane geuerde. Mit vrku^end ditz briefs. Geben ze Rinuelden⁶ an svntag vor vnsrer frawen tag ze liechtmezz nach Krists gebu^ert dru^etzehenhundert iar vnd darnach in dem nu^en vnd sibentzigistem jar.

Source Fulltext: Chartularium Sangallense IX, Nr. 5690, S. 353.