Ich Johans Molitor von Wil¹ tůn kunt vnd vergich offenlich mit vrkúnd dis briefs, || das mir der beschaiden Johans Zili statschriber ze sant Gallen² aht pfunt haller gůter || vnd ga^eber, die er von der burger vnd der stat wegen ze sant Gallen mir lobte || ze gebenn von mines^a) gna^edigen herren abt Cůnen des gotzhus ze sant Gallen³ insigel wegen, das ich in ha^enkte an den brief⁴, den in der selb min herr gab, der da sait vmb ir stat altú reht, gantzlich vnd gar geben gewert vnd bezalt hat. Vnd darumb so sag ich die selben stat vnd die burger ze sant Gallen vnd ir nachkomen vnd den selben Johansen Zilin vnd sin erben vnd hern Hainr. Zilin sinen brůder, den er mir darumb versetzt hatt, vmb das selb gelt gantzlich quit ledig vnd los fúr mich vnd min erben. Mit vrkúnd dis brief versigelt ze rugg(en) mit minem v^fgetrukten insigel. Dat. feria secunda proxima post festum beati Nycolai episcopi anno domini M°.CCC°.LXXVIIII°.

Source Fulltext: Chartularium Sangallense IX, Nr. 5759, S. 430.