Wir^a) Leupolt von gots^e g^enaden herczog ze O^esterrich ze Steyr ze Kernden vnd ze Krain herr vf der Windischen March vnd ze Portno^vw graf ze Habspurg || ze Tyrol ze Phirt vnd ze Kyburg marggraf ze Burgo^vw vnd lantgraf in Elsazz¹ etc. vergehen vnd tůn kunt offennlich mit disem brief fur vns vnser erben vnd nachkomen, || als di erbern vnd gaistlichen vnser liben andechtigen . . der abt vnd . . der conuent des klosters ze sand Johans sand Benedicten ordens in sand Johanser Tal lang zit her groz || vnd swe^are gastung gehebt habent vnd noch te^aglich haben mu^essen, davon si zu grossem gebresten vnd kumber komen sind, daz si sich got zu lob vnd der heiligen kristenheit ze heil mit i^eren andechtigen tagziten gebeten vnd gotlichen diensten gebrestenlich vnd gar kumberlich erczeigen mu^essen, haben wir angesehen di hochgeborn wirdikeit vnserr vordern vnd vnser vnd ouch furstliche vnd angeborne miltikeit, dadurch wir zu merung vnd zu furdrung gots^e diensts^e vnd go^etlicher werk gebunden vnd schuldig sien, vnd haben durch der egenanten vnserr vordem vnser vnd vnserr erben vnd nachkomen fursten vnd herren sele heyl willen vnd auch daz gots^e dienste da gemeret vnd nicht geminert werde, dem egenanten abt . . dem conuent vnd dem gotzhus ze sand Johans vnd allen iren na^vchkomen zu pessrung irs tisch vnd zu ergeczung der egenanten irr gastung vnd scheden die pharrkilichen ze Alten Rapreswile, die wir ze lihen haben, mit allen eren rechten wirden nûczen vnd zugehorungen, wie die genant vnd als di von alter her ko^vmen sind, sy sein gaistlich oder weltlich, gegeben geeygnet vnd gewidmet furbazzer êwiklich innczehaben ze niessen ze verwesen vnd ze beseczen, wie in das fuget, doch also daz gots^e dienste in derselben kilichen nicht gemynert werde in dhein weg, an geuerde, vnd daz si vns vnd den egenanten vnsern erben vnd nachko^vmen in dem vorgenanten irem kloster alle jar an vercziehen vf den nechsten mentag nach vnserr frawn tag ze herbst ainen jartag mit einem gesungen selampt mit messprechen vnd mit vigilien loblich vnd andechtiklich begeen vnd volbringen sullen vnd vnserr sele gedenken wellen auch an geuerde. Mit vrkund dicz briefs. Geben ze Schafhusen an des heiligen kruczs tag zu herbst nach Krists^e geburde dreuczehn hundert jar, darnach in dem achczigistem jare.

Source Fulltext: Chartularium Sangallense IX, Nr. 5804, S. 468.