Ich^a) Herman Súnchinger hoffschriber dez hoffs ze Costentz vergich || vnd tůn ze wússen offenlich mit disem brief, daz mich Hainrich || Bra^em der wisen der burgern der sta^vt von sant Gallen bott || von der selben burger^b) wegen vnd an ir stat fúnfzig^c) pfunt haller bezalt vnd gewert hat an der geltschult, so der beschaiden Conrat der Bock burger ze Rotwil¹ hinder der selben burger von sant Gallen soldner gangen ist vnd och im schuldig worden sint, die selben haller och ich von dez selben Conratz Bock wegen enphangen vnd in genomen han, vnd vmb die selben fúnfzig pfunt haller sag ich von dez selben Conratz Bocks wegen die obgenanten burger von sant Gallen vnd o^vch ir soldner ledig los vnd quitt mit disem brief. Vnd ze vrkúnd der warheit hab ich min insigel ze ruggen getrukt vff disen brief. Der geben ist ze Costentz anno domini millesimo CCC°LXXX^mo, in festo assumpcionis gloriose virginis Marie.

Source Fulltext: Chartularium Sangallense IX, Nr. 5802, S. 466.