V´nser dienst vor willig in allen sachen. Gnediger herre, wir lazzen || úch wissen, alz die stette vormals ze Bybrach¹ bi enander || waren, da hetten wir v´nser erber botschaft ouch bi in || vnd warent ouch die von sant Gallen da von dez stozz wegen, so ir vnd ouch si mit enander hant, vnd nach red vnd widerred do kament die stette v´nser botschaft dez an vnd woltend, daz die ainen satz darumb hetti vfgenomen, v´ntz daz die stette ze dem nechsten zemen komen^a) werint, daz ez v´ntz also wery gestanden. Daz wolt v´nser botschaft nit tůn, do wurdent die stette ze rat, daz si von gemainen stetten ain botschaft darumb santend in v´nsern rate, die daz an v´ns^b) wurbi. Der selben botschaft antwurtend wir also vnd sprachent, wir wellint daz gern bringen an v´nsern herren den abt von sant Gallen², waz aber der darumb tu^eg, dez ist v´ns nit ze wissent. Alz wir nu ietz die stette ze Bůchorn³ von úwern wegen bi enander gehebt habint, da sint inva^ell geschehen, daz die obgenant botschaft von gemainen stetten gesprochen hat^c), daz v´nser burgermaister also geantwurt hab, daz die sach zwischen úch vnd den von sant Gallen so^elti bestan, v´ntz daz die stette ze dem nechsten zemen ka^emint. Vnd darumb so habint wir v´nsern burgermaister ze red gesetzt, der sprichd, er ga^eb der obgenanten botschaft dehain antwúrt nie anders denne vor offem rat in der wise, alz vorgeschriben ist, vnd hat och darumb geseit, daz v´ns wol benu^egt vnd daz wir wol wissent, daz der stett botschaft anders nit geantwúrt ist, denn daz wir daz an úch bringen weltind, waz aber ir darumb ta^etind, dez wa^er v´ns nit ze wissent. Gna^ediger herre, darumb verdenkent úch, waz úch vnd v´ns nů ze tu^end si. Von v´ns dem burgermaister vnd dem rat ze Lindow⁴.

Source Fulltext: Chartularium Sangallense IX, Nr. 5857, S. 518-519.