Allen^a) den, die disen brief ansechent lesent oder ho^errent lesen, kúnden wir die nâchgenemten V^olrich || vnd Burkart von Ramswâg gebrůder wilunt êliche sún Burkartz sa^eligen von Ramswâg¹ vnd || veriehint o^vffenlich mit disem brief fúr v´ns vnd fúr alle v´nser êrben, das wir bayde sament || gemainlich mit wolbedahtem můt dem frômen vesten v´nserm lieben vettern Eberhart von Ramswâg² vnd sinen êrben, ob er enwa^er, erlo^vbt fryes vrlob vnd vollen gewalt geben habint vnd gebint mit disem brief v´nsrú reht rehtung vôrdrung vnd ansprach den grûnt vnd bo^vdem des wigers, vnd o^vch wilunt ain wiger gewesen ist vnd geho^ert zů dem hof vnd gůt an der Widenhůb³, mit wasser vnd mit wasser flússen, vnd gelegen ist vnder dem do^vrf Waltkylch⁴, also das er vnd sin êrben, ob^b) er enwa^er, den selben bo^vden vnd grûnd buwen vnd machen sont vnd mugent, ob sú wellent, ze ainem wyger vnd hinnenhin nach dem tag, als dirre brief geben ist, inne han vnd niessen sont, vnd mugent vnd súllint wir no^vch v´nser êrben, ob wir nit wa^erint, in no^vch sin êrben, ob er nit wa^er, dar an nit sûmen hinderren iêrren no^vch kains wa^egs bekrenken weder mit geriht no^vch âne geriht gaistlichem no^vch weltlichem no^vch mit kainerlay ander sach no^vch fúrzûg. Vnd des ze vrkúnde der warhait so habin wir obgenanten V^olrich vnd Burkart von Ramswâg fúr v´ns vnd fúr v´nser êrben v´nsrú insigel o^vffenlich gehenkt an disen brief. Der geben ist an dem na^ehsten ma^entag vor sant Walpurg tag in dem jar, do man zalt von Cristus gebúrt drútzehenhundert jar vnd dar nâch in dem ainem vnd ahtzigo^vsten jâre.

Source Fulltext: Chartularium Sangallense IX, Nr. 5836, S. 490.