+ Universis + sancte matris ecclesie filiis, ad quos presentes littere pervenerint, nos miseratione divina frater^a) Jacobus Calcedonie¹, frater Angelus || Nepesinus², Johannes Imolensis³, frater Angelus Fesulanus⁴, Nicolaus Botrontinus⁵ et Nicolaus Neocastrensis^a)6 episcopi salutem et sinceram in domino caritaltem. Virgo venustissima et omnium virtutum floribus insignita virgo dei genitrix gloriosa, cuius pulcritudine sol et luna mirantur, cuius precibus iuvatur populus Christill anus, florem immarcescibilem preciosimum^b) et eternum ineffabili spiritus sancti gratia cohoperante produxit, ob cuius reverenciam loca ipsius virginis vocabulo insignita sunt a Christi fidelibus merito veneranda, ut eius piis adiuti suffragiis eterne retribucionis premia consequi mereantur. Cupientes igitur, ut altare, quod est in honore beate Marie virginis sancti Johannis evangeliste et beate Katherine virginis et martyris dedicatum in ecclesia sancti Galli confessoris in Vzena⁷ Constanciensis dyocesis, congruis honoribus frequentetur et a cunctis Christi fidelibus iugiter veneretur, omnibus vere penitentibus et confessis, qui ad missas sollempnes, que in qualibet die sab-bati super ipsum altare celebrantur, interfüerint et eas audiverint reverenter et ad illud altare oblaciones seu obventiones suas fecerint et qui presbitero seu plebano ipsius altaris reverenciam prebuerint et eum, cum infirmos cum corpore Christi aut Sacra unctione ipsum contingerit visitare, associaverint seu fecerint comitivam et ibidem orationes suas dixerint humiliter et devote, ut deus consolator omnium eosdem in anima et corpore consoletur infirmos, quandocunque et quocienscunque hec fecerint, de omnipotentis dei misericordia et beatorum Petri et Pauli apostolorum eius auctoritate confisi singuli nostrum singulas quadraginta dierum indulgentias de iniunctis^c) sibi penitenciis, dum modo dyocesani consensus accesserit, in domino misericorditer relaxamus. In cuius rei testimonium sigilla nostra presentibus duximus apponenda. Datum Rome, anno domini millesimo trecentesimo, pontificatus domini Bonifatii pape octavi anno sexto.

Source Fulltext: Chartularium Sangallense V, Nr. 2519, S. 20-21.