Allen den, die^a) disen brief^a) sehent ald horrent lesen, kvnden wir graue Friderich von Toggenburg¹, das wir bi Hellinrichs ziten des meigers von Dvnrten² die^a) hv^oba vf dem bv^ele ze Oberendvnrten³, die^a) er von vns ze rectem lene hatte || vnd vns ze eigenschafte anhorte, ze siner bette vnd siner frvnden vron Adelheit siner wirtin, Chv^onratz toclter von Slatte⁴, halbe gaben lideklich vnd frilich ze rectem eigen, vnd enzigen vns dero vnd gaben si vf in ir hant mit aller redlihi, so si dar zo^v bedorfte. Dv selbv frowa nach ir wirtes tode die^a) eigenschaft des andern halben teiles der hv^oba, dv vns von sinem tode lidig wart, ko^vfte si von vns recte vnd redlich vmbe sechs march silbers, der wir gewert sin. Der selbvn hv^oba eigenschaft vnd swas dar zo^v horret gaben wir vnd gebens o^vch an disem brieve^a) vf in ir hant vnd gewalt frilich vnd lideklich ze besizzenne vnd ze hanne fridsam si vnd alle ir nachkomen mit allem nutze vnd rectunge, so dar zo^v horret, mit aker, wisen, hvsern, holze, velde, wasser, weide, mit vs vnd ingange vnd alleklich in allem dem recte vnd gewonheit, als wir si nach eigenschafte besazen^b). Wir enzigen vns o^vch vnd enzihens vns an disen ^c) brieve^a) reht vnd redlich mit Worten vnd mit werken der eigenschafte vnd der rectunge vnd swas dar zo^v horret. Der selbvn hov^vbe eigenschaft mag si geben ze rectem eigen nach ir willen, swa si wil, swem si wil, verko^vfen ald versezzen, in swelen wandel si wil, als ir lidig frige eigen. Wir hein vns o^vch enzigen vnd enzihen vns offenlich an disem brieve^a) mit go^vter trvwe gegen ir vnd allen ir nachomen ald in swes hant dv ho^vbe kvnt aller ansprahe vnd fordrvnge vnd rectunge, die wir hatten ald har nach mochtin gewnnen an die hv^oba, swelen weg das were, mit recte ald gewonheit, an geriete ald ane gerihte, vnd lobens fvr vns vnd alle vnser nachomen mit trvwen, si noch kein ir erben an der hv^oba ald in swes hant si kvnt niemer ze bekvnberen noch beswerrenne mit gewalte ald âne gewalt. Alles des hie geschriben stat vnd von vns redlich beschehen ist an dir gabe vnd ko^vfe binden wir zv zvns^c) alle vnser nachomen das stet ze hanne mit aller truwe vnd liebi. Vnd das dirre gäbe vnd dis ko^vfes redlihi stete belibe bi vns vnd allen vnseren nachomen, die^a) wir och an disem brieve^a) dar zv^o binden âne allen kranch, so||
geben wir der vor genande graue Friderich fron Adelheit disen brief^a) besigelt offenlich ze einem geweren vrkvnde vnd Sicherheit dirre getât mit vnserem ingesigel. Dis beschach ze Bv^obinkon in dem chloster⁵, da ze gegen waren dis gezvge herre . . Hvni der lvpri^ester von Dvnrethon⁶ brvder, Chv^onrat von Mvnchwile⁷, Rv^odolf Silser, Rv^odolf Brantzo, Heinric Kvrtzo, do von gottes gebvrt waren drvzehenhvndert iar vnd zwei iar, an dem svnnendage vor vnserre vrown tvlt ze mittem o^vgesten.

Source Fulltext: Chartularium Sangallense V, Nr. 2570, S. 61.