Ne^a) ea, que aguntur in tempore, a memoria hominum, cum sit labilis, simul divellantur cum tempore, expedit, ut gesta seu negocia hominum necessaria in scripta publica redigantur. Notum^a) sit universis igitur, ad quorum presentiam hoc scriptum pervenerit, quod nos Wernerus comes II in Hohenberch, Ruedolfus et Ludolfus fratres¹ pro amore dei et pro salute animarum nostrarum abbatisse in Wormesbach² et reliquis sororibus cenobii eiusdem firme conferimus eamdem graciam in suis redditibus possessis^b) et attinentiis sui claustri, quam ipsis nostri predecessores || seu prepossessores nostri dominii³ fecerunt et contulerunt, ratum et gratum habituri, quicquid eidem nostri antecessores contulerint dominabus eisdem seu sororibus. Ne autem mens hominis alicuius ambigua predicte gracie nostre, quam dictis^c) abbatisse et sororibus seu || dominabus dicti claustri Wormesphach facimus, diffidat et ne ipse similiter in hiis donis et promissis dubitent, presentem cartulam appensione nostri sigilli duximus sigillandam. Datum anno domini millesimo tricentesimo quarto in||
octava ephyphanie^d) domini nostri Jesu Christi.

Source Fulltext: Chartularium Sangallense V, Nr. 2608, S. 88.