Item die vndertonen zů Massin¹ habend geschriben ainem herenn von sant Gallenn² ir vndertenikait vnd wie sy globind, das die kilch vnd apty zů Massin vnd sant Michel³ im zůgeho^erend, vnd wie die lechenschaft der kilchen, die zů setzin vnd ze entsetzin, im geho^erig sye, vnd wie die ainem gaistlichen geliehen sy haisse Martinus Philippe von dem Castell de Gatego⁴ son, der sy nun nit priester vnd lichter nit gnüg alt nach innhalt der rechten vnd verseche sy ettwan durch ainen andren, vnd wissind nit, ob sy an ir selen versorgt sigint oder nit, doch well in der von sant Gall^a)5 da haben, des sperind sy sich, nit allain das dz mit priester wol versechen werd etc., vnd daby, das sy ain her vber die gůtter, die in Nibiun⁶ in Mailer bistum⁷ gelegen sigind, vnderrichte mit sinen ro^edel vnd bu^echer, inen das in ir costen schicke verinstrumentiert etc., vnd habend das sinen vorfaren och ankomen, so sy aber der bott vnderwegen nider gelegen, dar durch sy nit vnderricht werden mo^echtind etc., die ding alle zů erfarin, habend die selbigen vnderton geschickt iren notarium mit ainer gloplichen geschrift, haisset der bott vnd der ir notarius gewesen Růdolf vnd der notari des in struments Jacobinus, ist bapirin vnd gezaichnet H H. MCCCVI.

Source Fulltext: Chartularium Sangallense V, Nr. 2667, S. 124.