Allen den, die disen bref sechent oder lesent, kvnd ich Wernher der Hûnt¹ burger zi sant Gallen kvntsami vnd wissendhafti aller der dinge, so hie nach II geschriben stant. Alle die nv sint vnd hie nach koment, die svnd wissen, de ich vorgenander Werher Hvnt han gegeben einen hof zi Brv^owile², den ich von || den wrowen von Maggenowe³ hat geko^efet vmb zwenzig vnd vierdhalb march silbers Kostenzergewicht, vnd han es wider geben nach minem vnd miner wir||tennv tode inen dvr vnser beder^a) sei willen mit disem gedinge, de man nach vnser beder tode geben sol zi Wettingen⁴ ellv jar an vier nvn Schillingen kosten zer zwen messe vrvmvnge^b), als sitte vnd gewonheit ist in der weite einer sei ein jar messe vrvmvnge, von dem^c) selben gv^ote han ich o^ech gesezzet vnd geordenot, de mam^d) gebe den vorgenanden vrowen von Maggenowe in der zv^o kvnft einen halben sôn^d) wîns in der vastvn, ein ganzen son^d) wîns jerilch, ziwuschen o^estervn vnd phinsten zechehen Schilling vmb eier, zwei viertel smâlz, nvn Schilling zi minem iarzit, zi miner wirtennvn jarzit act Schilling vber dis gesezta, swc an disem zins dis hofs vber wirt, de sol man geben vmb ole dem vorgenanden conventh. Dis gv^ot sol gelten jeriich vumf malter veson Zeller mes⁵ vnd vumf malter habern o^ech Zeller mes vnd driseg Schilling Kostenzer vnd vier hv^onr, vs dirre gulte, als de hie vornan geschriben stat, sol gerichtet werden, als es mit worden vs gescheiden ist. Wer aber de, de an dirre ordenunge vnd gesezta von dekeines phlegers wegen oder ebtissinun, priorinvn, kelnerinvn de kein ab gang gescheche, so sol aller der cîns des vorgenanden gv^otes des iârs geuallen sin den herron von Wettig.^e) vnd von Salmonswile⁶ an alle wider rede. Wer och dc, dc dis vorgenande gv^ot verko^efet wurde dur kein not, des nicht geschehen sol, so sol de silber, de darumb enphagen wirt, den herron von Wentg.^f) vnd von Salmonswile de selb silber an allen wider rede geuallen sin. Wer och, dc dc vorgenande gv^ot von brande, von ro^ehe, von hagel, von landpresten schaden hette, so sol man den schaden teillen, swc anders schaden were, der von ir gebresten cheme, den schaden svn si tragen vnd svnd o^ech disen vorgenanden zins zi sant Gallen înne weren den vorgenanden Werher vnd sin wirtennvn, vnz dc si lebent, nach ir tode so svnt si richten, dc da vornan geschriben stat. Disv ordenvnge vnd gesezta dv geschach zi Wettigen, do von gottes geburt warend thusent drv hvndert vnd sechs jar an sant Benedichtes tage. De aber disv ordenvnge vnd gesezta stete vnd ganz belibe, des bitte ich die erberren herren den abbt von Salmonswile vnd den abbt von Wettig.^g), de si zi einem offennen vrchvnde henchen ir ingesigel an disen bref.||
Wir broder V^olr. der abbt von Salmonswiler⁷ dvr bette vorgenander beider teile der ebtissinnvn vorgenander vnd Werhers henchen vnser ingesigel zi einem offennen vrchunde an disen bref. Wir broder V^ol. der abbt von Wettg.^h)8 ouch dur bette beider teil henchen zi einem offennen vrchvnde vnser ingesigel an disen bref.

Source Fulltext: Chartularium Sangallense V, Nr. 2642, S. 106-107.