In^a) gotes namen amen. Ich Heinrich von Tvrberch¹ kvnd allen den, die disen brief sehent ald horent II lesen, daz ich den hof ze dem Gervte² han vf gegebin dem gotzhvse vnde dem convente ze Magno^vwe³ II vür reht eigen, vnde daz ich des selben eigens ir wêr sol sin nah rehte. Des sint gezvge her || Eberhart von Bvrglon⁴, her Heinrich vnde Lvtolt von Griessimberch⁵, her Johans von Schônemberch⁶, Rv^odolf der schvltheiz von Wîl⁷, Johans von Albrehtswille⁸, Wilh. von Swarzenstein⁹, Johans der Goltsmit¹⁰, Heinrich von Bvrron¹¹ vnde ander ersame lvte. Daz diz war si vnde stete belibe, dar vmbe so henk ich der vor genande Heinrich von Tvrberch min insigel an disen gegenwurtigen brief. Dis beschah vnde wart dierre brief^b) gegeben in der stat ze Wîle, nah vnsers herren gebvrte Jesv Christi drvzehenhvndert jar vnde dar nah in dem sehsten jare^c), an dem nehisten svnnentage nah sant Jeorgen tvlt.

Source Fulltext: Chartularium Sangallense V, Nr. 2644, S. 108.