Allen den, die disen brief sehent oder ho^erent lesen, die sont wissen, in den ziten, do vro Elsbeta von Schonllnowe¹ meisterin was ze Mvnsterlingen², do ko^vfte Hvc an Steige³ vnserm closter vnd^a) vnserm gotteshvse ze Mvnllsterlingen ein gv^ot vmbe den hern Rv^odolfen von Rinegge⁴ vnd vmbe ellv sinv kint. Diz gv^ot da lit ze Kasteln⁵ ll vnd wart darvmbe gegeben vivnf Schillinge vnd zwenzec phvnde, vnd diz selbe giltet allv iar vierdehalben^b) mvtte kernen vnd ein mvtte habern vnd zwelf Schillinge phenninge vnd zwei hv^enr vnd vierzec^b) eiger, vf dem selben gv^ote sizet der Ratgebe vnd Heinrich^c) in der Phisterin, vnd diz gv^ot wart geko^vfet in allem dem rehte vnd mit aller der Sicherheit, als man dehein gv^ot mag ko^vfen, vnd eigent vns vnser herre bischof Heinrich von Costenz⁶, von dem ez lehen was, da sin brv^oder herre Albreht⁷ ze gegen was vnd Iohs. von Rinegge⁸ vnd die von Kasteln vnd vil anderre biderber lvte, diz gv^ot hat dierre vor genande Hvc vnserm closter also geko^vfet, daz wir ez iezo niezen sont vnd daz wir ime vnd vron Adelheit siner wirtine, die er iezvnt hat, ellv iar ab dem gv^ote an Steige svnt geben, die wil sv lebent, sehs mvtte kernen, vnd so^d) sv zwei sterbent, so sol de selbe gvlte ledic sin vnd sol man ab dem vor genanden gv^ote ze Kasteln in die chilchvn geben zwelf Schillinge^e) pheninge, mit dem ander, so ab dem selben gv^ote gat, sol man dises vor genanden Hvges vnd siner wirtinne iargezit began iemer eweclichen. Dierre selbe Hvc hat vnserm closter ze Mvnsterlingen o^vch gekofet zwen wingarten ze Horne⁹ vriges eigens vmbe acht Schillinge vnd vivnfcehen phvnt, einen hat er geko^vfet vmbe den hern Eberharten den lvpriester von Horne, den andern vmbe^f) Walthern O^eserichen, also in dem rehte, daz er vnd sin wirtinne dise wingarten niezen sont vnze an ir beider tot, vnd swenne sv zwei ersterbent, so sol dem closter aber dis gv^ot ledic sin vnd sol man ez eigenlich in daz siechvs geben dvr ir beider sele willen, also daz man den siechon ir notvrfte damitte bezere, iemer ze einem ewigen almv^osen. Daz diz stete belibe, darvmbe git dv meisterin vnd alle der convent iro insigel an disen brief.

Source Fulltext: Chartularium Sangallense V, Nr. 2662, S. 121-122.