In nomine domini amen. H. dei gratia abbas¹ totusque conventus monasterii sancti Galli Const(antiensis) dyocesis omnibus presencium inspectoribus salutem in domino cum notitia subscriptorum. Ut in rebus gestis oblivionis occasio auferatur, expedit acta hominum literarum indiciis ad posterorum memoriam declarare. Noverint igitur singuli et universi, quos nosce fuerit oportunum, quod strennuus vir H. de Swandegge² miles et .. uxor sua legitima dederunt et concesserunt H. famulo Johannis dicti Berger institoris civis Const(antiensis) ipsis servitutis iure pertinenti, ut ipse H. cum Kristina filia quondam H. dicti Haeger de Tihtlerriet³ nobis nostroque monasterio pertinente matrimonium contrahere posset absque omni pena [...]^a) mulcta, licentiam ac plenam et liberam potestatem. Nos iuxta pactum inter nos .. abbatem, conventum ac H. de [Swandegg]e^b) et suam .. uxorem prenotatos super hoc habitum et premissum tractatu inter nos sollempni et deliberatio[ne diligenti]^c) prehabitis et premissis secundum sacrorum canonum instituta volumus, concedimus, permittimus et ordinamus, ut .. p[ueri utriusque se]xus^d) ex prenominatis H. famulo Johannis dicti Berger et Kristina procreandi nobis nostroque monasterio antedicto pro me[dia parte] et^e) supradictis H. de Swandegge et .. uxori sue pro altera media parte eorumque heredibus in perpetuum iure [perti]neant^f) servitutis, adhibitis in omnibus premissis sollempnitatibus debitis et consuetis, et ut ea, que premissa sunt, robur perpetue obtineant firmitatis, renunciamus circa ipsa et quodlibet ipsorum exceptioni^g) restitutionis in integrum, non adhibite sollempnitatis, deceptionis cuiuslibet omnibusque aliis exceptionibus et deffensionibus ac indulgentiis et literis inpetratis seu inpetrandis a sede apostolica vel aliunde omnique actioni et inpetitioni necnon auxilio iuris communis vel privati et consuetudinibus omnibus, quibus mediantibus ea, que premissa sunt, vel ipsorum quodcumque possent ullo umquam tempore inpugnari vel aliqualiter anullari. In cuius rei testimonium sigilla nostra duximus presentibus appendenda. Datum et actum apud sanctum Gallum anno domini M°.CCC°.VII°. XIIII. kl. augusti, indc. V.

Source Fulltext: Chartularium Sangallense V, Nr. 2682, S. 136.