Wir Chv^onrat vnt V^olrich ritter gehaissen von Ramswach¹ veriehen vnt tu^eien kunt || allen den, die disen brief lesent saechent oder ho^erent lesen, daz wir mit verdachten || můt mit gůter betrahtunge mit v^eserre erbun gunst vnt willen haben gellgeben dem ersamen goteshuse ze Wingarten² zem rehten aigen Irmengart die Rennerinun, diu do dazz Du^erenkain³ gesessen waz, diu vns von dem libe an ho^ert, ze ainer widerlegvng mit so getaner bescaedenhait, daz daz vorgenant goteshuse hat gegeben vns zem rehten aigen Irmengart Liupolds to^ehter, diu daz vorgenant goteshuse von dem libe an ho^ert, diu do het genomen Chůnraden den smit von Vrssingen⁴, mit so getaner sicherhait, daz daz vorgenant goteshuse an vns noch wir an sie vmb die vorgenanten vrowen noch vmb die kint, die von in chomen mugen, kain ansprache mugen noch su^elin haben. Vnd daz daz also staet belibe, do hiessen wir disen brief schriben zem vrkunde vnd vestenun mit v^esern insiglen, dar vnder pind ich mich Purchart⁵, wan ich aigens insigels do nicht enhet. Dez sint geziug Hainrich der Pu^echer, Berchtolt von O^etelried⁶, Brechtolt der Snizzer vnd Wernher der Brobst vnd ander erber lu^ete vil. Daz geschach, do von gotes geburt woren driuzechen hundert iar, in dem ahtoden iar, an sant Stephans tag.

Source Fulltext: Chartularium Sangallense V, Nr. 2692, S. 144.