Wir Heinrich von gottes gnaden Ro^emischer kunig ze allen zitten ain merer des riches en||bietent dem edeln man grafen Hugen von Werdenberg¹ vnserm lieben getruwen vnser gnade II vnd alz gůt. Vmb die getruwen vnd danchberen dienst, die din vordem sa^eligen den Ro^emi||schen kungen vnsern voruaren vnd dem riche vncz har getan hant, vnd sunderlich vmb die dienste, die du vnd din brůdere² vns vnd dem riche noch tůn mugent, so gebin wir dir vnd dinen brůdern vnd allen vweren erben fůr vns vnd vnser nachkomen die bůrg ze Rinegge³, du dez riches ist, ze rehtem bůrgsa^esse, doch also, daz si offen sin sol dem riche ze allen sinen no^eten. Darzů schlahen wir dir vffe die stat Rinegge zwai hundert march silbers zu dem, dar vmb si dir nv stat, vnd geben dir dar vmbe disen brief besigelt mit vnserm kunglichen insigel. Der gegeben wart ze Spir am zehenden tage dez ersten herbstmodes^a), do man zalt von gottes gebůrt thusent druhûndert vnd nûn jar, in dem ersten jare vnsers richz.

Source Fulltext: Chartularium Sangallense V, Nr. 2727, S. 169.