Universis Christi fidelibus presentium inspect(oribus) Krafto de Toggenburch canonicus ecclesie Constantiensis¹ ac Fridericus comes de || Toggenburch² fratres filii pie memorie spectabilis viri domini Friderici comitis de Toggenburch³ Constantiensis II dyocesis affectum caritatis cum noticia subscriptorum. Noverint quos nosse fuerit oportunum, quod nos pro nostra et animarum || parentum nostrorum salute, et ut divinus cultus in monasterio Rvthi⁴ valeat adaugeri, ius patronatus ecclesie in Eschibach⁵ site prope idem monasterium nobis proprietatis titulo pertinens cum dote eiusdem ecclesie ac cum iure advocaticio in eisdem dote et ecclesia, de qua dote ratione iuris advocaticii nobis annis singulis unum quartale putiri solvebatur, donavimus et tradidimus ac auctoritate honorabilium virorum . . vices gerentium venerabilis in Christo patris ac domini nostri Gerh. dei gratia Constantiensis episcopi⁶ donamus et tradimus presentium per tenorem religiosis viris in Christo dilectis Johanni divina permissione abbati⁷ totique conventui monasterii in Ruthi ordinis Premonstratensis predicte dyocesis, idemque ius patronatus cum dote et iure advocaticio predictis ad manus dicti domini abbatis nomine sui ac vice et nomine conventus et monasterii sui recipientis resignavimus et resignamus in hiis scriptis, renunciantes pro nobis nobisque succedentibus omni iuri scripto et non scripto, indulgentiis a sede apostolica impetratis seu impetrandis ac omni iuris auxilio, per quod dicta donatio, traditio et resignatio possent revocari seu etiam aliqualiter annullari. Supplicamus quoque in hiis scriptis memoratis honorabilibus viris .. vices gerentibus dicti venerabilis patris ac domini nostri Gerh. dei gratia Constantiensis episcopi agentis in remotis, ut donationem, traditionem et resignationem memoratas dignentur auctoritate ordinaria approbare ac etiam confirmare. In evidentiam itaque predictarum donationis traditionis et resignationis necnon petite auctoritatis ordinarie approbationis et confirmationis sigilla nostra presentibus duximus appendenda. Act. et dat. in monasterio Ruthi predicto, anno domini millesimo trecentesimo nono, feria sexta ante festum beati Vincencii, indict. septima, presentibus Johanne plebano ecclesie in Tunreton⁸, Berchtoldo ministro de Herbelingen⁹, Arnoldo dicto Ekol, Walt. dicto Branbu^el, Heinr. ministro ab dem Hûs et aliis quampluribus testibus fide dignis.

Source Fulltext: Chartularium Sangallense V, Nr. 2713, S. 159.