In gotes namen amen. Wir her Eglof ritter vnd vnser bru^oder Eglof kneht gehaissen von Rosenberg¹ allen den, die disen || brief lesend oder horrent lesen, vnsern grůz mit der kantnuste der dinge, die hie nah gescriben stant. Est^a) ist billich, || de man div ding scripht enphelhe, div man důht dar vmbe, de die kvnhftigen ane criege biliben, hie von so || dv^egen wir her Eglof vnd vnser brůder Eglof von Ronsenberg^b) kvnd, de wir de lehen ze Tvggon², mit dem wir belehent warend, dc^c) Peter von Rambach³ von vns ze lehen hatte, v^of han gegeben vnd enzigen mit allem rehte dem abte vnd dem conuente ze Phafers⁴. Dirre brief wart gegeben ze Gossowe⁵ an sant Peters tage nah gottes geburte tvseng iar vnd dru^d) hvndert iar, dar nah am nunden iare. Dis briefes ist gezuge herre C. der luprister von Gossowe, her V^olr. der luprister von Herisowe⁶, Eglof der kilcherre von Gossowe, V^ol. der Giel von Glatburg⁷, R. der Giel von Liebenberg⁸ vnd ander^e) ebarre^f) lute genůg.

Source Fulltext: Chartularium Sangallense V, Nr. 2723, S. 165-166.