Allen den, die^a) disen brief sehent ald horrent lesen, kvnde ich Heinrich der Amman schvltheize ze Rapreswile¹, das Rv^odolf || der Swarzo vnd fro Mechthilt von Auslinkon² vnd swester Elli ir tocter für mich kamen offenlich vnd mit miner hant II vnd willen dur ir sele vnd aller ir vordron sêl willen dem .. abte vnd den herron von Rvti³ mit aller redlihi mit ir vogtes II hant vnd gunst, als sv solton, frilich vnd eigenlich gaben zehen to^vker lînwât vnd ir hvs bi der kilkvn⁴, ir garten in dem riete, den aker ze Meilan⁵, der ze rebon ingeleit ist, den Cho^vnrat der Trugseze⁶ ze lên hat, der ierlichs drv vierteil kernen gilt, vnd alle ir halblinge an rindron vnd an rossen vnd die^a) namdon vnd gaben mit vsgenomenen namen vnd zala. Sv gaben o^vch ir imben vnd dar zv^o alles das sv hatton liugendes vnd verendes. Das selbe hvs vnd garten, to^vker vnd aker, vnd swas da vor genemmet ist, hant die^a) herren von Rvti gehebt in ir gewalt vnd in recter gewêri drie tage vnd sechs wûke, als rect vnd gewonlich ist ze Rapreswile. Die^a) vorgenanden herren von Rvti hant gelopt vnd sich gebunden vnd bindent sich o^vch an disem gegenwurtigem brieve^a), swenne das hûs in ir gewalt vnd nvzze kvnt, das sv dienste^a) von deme to^vnt der stat mit stûre vnd mit wacte⁴ in der gemêsi als ein ander burger. Vnd das die^a) vorgenanden herren vnd ir gozhûs har nach an dirre gabe nieman mvge beswerren ald frevelen mit deheiner ansprahe des go^vtes, so han ich H. der amman vnd schultheize vnd Rv^o. der Swarzo vnd fro Mecht. vnd swester Elli ir tocter gebetten flelich den rât von Rapreswile, das sv der stat ingesigel ze einem rectem vrkvnde dir getât gebin an disen gegenwûrtigen brief, vnd hant o^vch sv das getân nach vnser bette. Dis beschach ze Rapreswile in der stat, do ze gegene wâren disv gezuge: her Rv^o. der Fûrswander lvtpreister, Werenher von Rambach, V^oI. Winterberg, V^oI. Andres, Hesso, H. Wisling vnd ander erber lvte, do von gottes geburrte^b) waren drvzehenhvndert jâr, in dem zehendem iâre, an dem zîstage ze ingêndem merzen. ||
Wir H. der Amman, Cho^vnrat der Trugseze, Peter⁷ vnd Werenher von Ranbach, Johannes Gamlostein, Rv^o. von Hasla⁸, Bertolt der Le^vwo, V^oI. Andrês, Werenher der Meiier, Hesso, H. Brvno vnd Jacob von Kaltbrvnnen⁹, der rât ze Rapreswile, ze H. des ammans vnd schultheizen bette vnd offenunge vnd o^vch ze Rv^o. des Swarzen vnd fro Mecht. von Auslinkon vnd ir tocter swester Ellinvn bette, vnser burger, vber ir redlikvn vnd gotlikvn gabe han wir geben an disen brief^a) vnser der gemênde ingesigel vnd den herron von Rvti ze einem gewerrem vrkvnde dir getât, das sv har nach an disem go^vte an geriete ald âne geriete neiman beswerren mvge, den besigelt geben offenlich mit vnserem ingesigel. Dis beschac in den jâren vnd dem tage, als da vor geschriben stat.

Source Fulltext: Chartularium Sangallense V, Nr. 2742, S. 176-177.