Allen dien, die disen gegenwrtigen brief iemer an gesehent alder ho^erent lesen, kunden wir herr V^olrich ritter || vnd Marquart von A^emz gebru^eder, daz wir von vnserm erwirdigem herren abt Hainrich von gottes II genadon dez gotteshusez ze sant Gallen ga^erwe vnd ga^enzelich gewert sigen funf vnd fufzeg march || silbers Costenzer gewa^eges, der er vns schuldig waz von dem kof, so er vmb vns tet an dien gu^etern ze Stainital vnd an der Egge. Vnd daz daz war sige, so geben wir dem vor genemtem vnserm herren disen brief besigelt mit vnser baider insigel ze ainem waren vrkunde der dinge, so da vor gescriben stant. Dier brief wart gescriben vnd gegeben ze sant Gallen in dem iar, do man zalte von gottes geburt druzehenhundert vnd druzehen iar, an dem dritten gu^etemtag in dem brachot.

Source Fulltext: Chartularium Sangallense V, Nr. 2861, S. 245.