Allen den, die disen brieff sehent oder ho^erent lesen, kunden wir Johannes Snewli, dem man sprichet der Gra^esser¹, ein ritter vnd Walther sin brůder, hern Cůnrates Snewelins² seligen sune eines ritters von Friburg³, daz wir beidesament einhelleklieh die gůt, die wir hatten ze Ve^arlinsbach⁴, ze Oberriet⁵ vnd ze Gerolstal⁶, lute vnd gůte vnd gelt vnd gericht mit ackeren mit matten mit holtze mit velde mit weiden mit wasser mit wunne vnd mit weide vnd mit allen rechten vnd nutzen, als wir^a) sy hatten vnd har haben bra^vcht a^vne alle geue^ard, a^vne die burg, der man sprichet die Wilde||
Snewesberg⁷, vnd an die ho^eltzer vnd die matten, die zů der selben burg vss benempt sint, a^vne alle geuerd haben ze kouffen gegeben vnd vff gegeben lidig vnd lere vnd vnuerkunbert den erbern geistlichen herren dem prior vnd dem conuent ze Oberriet in dem Swartzwald in Costentzer bistůme sante Wilnhelmes⁸ ordens in vnd allen iren nachkomenden ewikliche ze besitzende ze habende vnd ze niessende in dem rechte, daz es ein erbe ist von sante Gallen vmb ein halp pfunt wachses jerliches zinses vnd das nut anderes da von gât, vmb sechs vnd achtzig mareke silbers lo^etiges Friburger geweges, vnd sin wir des selben silbers gentzliche von im gewert. Wir haben o^vch gelobt fur||
vns vnd für alle vnser erben vnd na^vchkomenden, der^b) vorgenanten geistlichen herren ir vnd aller ir nachkomenden wer ze sinde der vorgenanten lute vnd gůte vnd gelte vnd gerichtes vnd rechte vnd nutze in dem rechte, alz da vorgeschriben stât, jemer me gegen aller menglichem, als recht ist. Vnd han wir den vorgenanten geistlichen herren disen kouff geuertiget ze Friburg vnder der richtlouben vor offem gericht mit vrteil. An dem selben gerichte Seiten min des vorgenanten Walthers ne^echsten mage von vatter vnd von můter her Snewli Bernlâpe ein ritter schultheiß ze Friburg⁹ vnd Walther von Valkenstein¹⁰ Hiltebrandes seligen sun vff iren eyd, das es mir dem selben Walther besser wa^ere getan denne vermitten. Har uber ze einem vrkunde si^c) ist dirre brieff durch min des vorgenanten ritters vnd der vorgenanten geistlichen herren bette vnd min des vorgenanten Walt her s halp mit vrteil mit der burger von Friburg ingesigel besigelt. Hye by waren dis gezuge herr Heinrich von Muntzingen¹¹ der burgermeister, herr Sneweli in dem Houe¹², herr Cůnrat Dietrich Snewlin¹³, herr Johanns Ko^eppli von Muntzingen ritter, Sneweli von Eggrich¹⁴, Meinwart von||
Tottikofen¹⁵, Cůnrat Geben, Gůtman der He^auenler, Herman der Goltschmit, Johannes Pittrolff vnd ander erber lute genůg. Dis geschach vnd wart dirre brieff gegeben ze Friburg in dem ja^vre, do man zalte von gottes geburte drutzehen hundert ja^vr vnd sibentzehen ja^vre, an dem ne^achsten zinstag nach vßgender o^vsterwochen.

Source Fulltext: Chartularium Sangallense V, Nr. 2992, S. 317-318.