Datum per reversum. Hainricus dei gratia abbas totusque conventus monasterii sancti Galli¹ ordinis sancti Benedicti Constantiensis dyocesis omnibus presentium inspectoribus salutem et noticiam subscriptorum. Cum in officio caritatis illis teneamur obnoxii, a quibus dinoseimur beneficia recepisse, et honorabilis vir magister Hermannus de Stoker² canonicus ecclesie Constantiensis nobis et nostro monasterio varia et diversa servitia impenderit hactenus et adhuc continue et incessanter impendat multum utilia ac fructuosa, nos habito et premisso tractatu diligenti, et ut meliora nostri monasterii prospiciamus, de consensu nostro unanimi adhibito et expresso eidem magistro Hermanno in reconpensam et remuneracionem serviciorum suorum provisionem octo marcharum argenti singulis annis de camera nostri abbatis in festo beati Galli regulariter solvendarum constituimus per presentes, ad hoc nos nostrosque successores et nostrum monasterium obligamus. Volumus tamen, ut si eidem magistro Herrn, seu persone, quam ipse ad hoc elegerit vel nominaverit, in beneficiis ad nostram collationem seu presentationem spectantibus, communiter vel divisim, vel in aliis rebus seu bonis de redditibus 12. marcharum vel circa providerimus, ex tunc constitucio pensionis predicte totaliter sit sublata, dolo et fraude de exceptione et defensione quibuslibet cessantibus et penitus circumscriptis. Premissa etiam adimplebimus, quam primum facultas se obtulerit, non obstantibus aliquibus obligationibus et promissionibus factis personis aliis quibuscumque. In cuius rei testimonium sigillum Bertholdi curati sancti Laur(entii)³ apud sanetum Gallum presentibus est appensum. Datum ut supra.

Source Fulltext: Chartularium Sangallense V, Nr. 3027, S. 338.