In nomine domini amen. Nos Hainricus dei gratia abbas monasterii sancti Galli totusque conventus ibidem || tenore presentium constare cupimus universis, quod cum strennui viri Eglolfus et Marquardus fratres de Schellenberch mi||lites possessiones dictas Tihtelerriet, quas a nobis tenebant in feodum venerabilibus in Christo .. abbati et conventui || monasterii in Salem ordinis Cyster(ciensis) Const(a)n(tiensis) dyocesis pietatis intuitu et specialiter pro remedio anime pie memorie quondam Johannis de Schellenberch militis patruelis ipsorum, qui in exustione castri Bodmen¹ cum aliis interiit, liberaliter tradidissent, nee eadem donatio sine nostro consensu posset fine debito consummari, eo quod dicte possessiones a nobis ut premissum est extiterant feodales, iidem fratres facta nobis resignatione dictarum possessionum per suas nobis litteras humiliter supplicarunt², quatenus dietam donationem consummantes ipsam ratificaremus et approbaremus, ius proprietatis prefatarum possessionum Tihtelerriet ac ipsas possessiones in memoratos de Salem ipsorumque monastenum transferendo. Nos ipsorum precibus inclinati et specialiter ob favorem, quem ad dictum monasterium de Salem hactenus habuimus et habemus, ius proprietatis predietarum possessionum in Tihtelerriet ac easdem possessiones in prelibatos de Salem ipsorumque monasterium sub censu unius libre piperis annis singulis in festo beati Galli ab eisdem nostro monasterio persolvendo transtulimus ac transferimus per presentes ab ipsis imperpetuum quiete et pacifice possidendas cum suis iuribus et pertinentiis universis. Et ut premissa rata permaneant et inconcussa, hanc litteram sepedictis de Salem tradidimus sigillorum nostrorum munimine roboratam. Datum aput sanctum Gallum anno domini M°.CCC°XVIII°. kl.^a) maii, indic. prima.

Source Fulltext: Chartularium Sangallense V, Nr. 3021, S. 334.