In gotes namen amen. Wir Hylpolt^a) von gotes genaden abt ze sant Gallen¹ verjehen an disen^b) briefe offenliche^c) vnde kvnden allen den, die disen brief an || | sehint^d) oder ho^erent^e) lesen, daz wir dvr die liebi vnde dvr die bette der bvrgerre vnde gemeinliche ze sant Gallen der stat mit willen vnsers^f) conuentes | vnde || mit dem rate der tvrsten vnsers gotzhvses^g) dienstmanne daz alte reht der selben stat wider gemachet han vnde ir dise hantvesti^h) dar vber gegebinⁱ⁾ han || | wider den hantvestinen, die ir zeiner allichen brvnst verbrvnnen warent, da ez von alter an geschriben waz, vnde die ir von vnserm gedigene vnde von keisern vnde von kvngen^k) gegeben vnde gevestent warent. Daz selbe reht daz ist alsus geschaffen. Daz alliz daz^l) gůt, daz inrvnt den vier cruzen^m) vnde vorⁿ⁾ der obnendi der berge bi der stat dez inheldi ze tal lit, swelhe lvte daz nv haben ald^o) iemer reht vnde redelich gewunnen^p) ald von swem man ez haige oder^q reht vnde redelich gewinne, daz daz in dem selben reht stande als Costenzer aigen^r) an erbenne, an verko^vffenne, an versetzenne, ane daz, daz jenes aigen^r) vnde diz lehin ist, vnde ane daz, ob ein ko^vf sol hie geschehin, daz der verkoffende^s) vf sol geben in dez lehen^t) herren hant, vnde sol der ko^vffende^u) dannan enphahen vnde sol dem herren ein vierteil lantwines geben. Hat aber einer oder sv beide dez herren hulde niht vnde wil er da von jeneme rehtes lehennes oder enphahendez^v) verzihen^w), so sol man ime oder sinem ehaftigen ammanne den win bieten, vnde sol der ko^vf irgangen sin, vnde swenne der ko^vffende iemer darnach mag bereden mit zwein sinen hvzgenozzen^x), so sol im jenes^y) an sinem rehte kein schade sin^z). Vmbe die erben ist ez alsus geschaffen. Swer disses^aa) gůtes iht hat, ez si man oder wip, stirbet der ane kint, den sol sin naehster vatter mage^ab) erben, ez si wip oder man, vindet man aber^ac) der deheinen, so sol ez mv^oterhalb daz^ad) naehste tv^on. Wil o^vch ieman dez gůtes iht versetzen^ae) enphande^af) wis, der sol dar gan vnde sol mit der hant dar an grifen^ag) vnde sol ez enphande^ah) wis in jenes gewalt, der ez da verphenden wil, geben vnde sol dar zv^o dekeinen herren nvt an^ai) sehin. Enhein^ak) man oder wip, der disses^al) gůtes hat, der sol niender dar vmbe ze rehte stan^am) wan vf der phallenz ze sant Gallen vnde eht vor dem abte vnde sol ez o^vch niene mit^an) verliezen noch gewinnen wan mit dem rehte vnde mit der vrteilde, da mit o^vch Costenzer ir eigen behaltent vnde verlierent. Wirt o^vch iht mere danne ein vrteilde vber daz selbe gůt gesprochen vnde belibet die hie vngesaemenet, also daz^ao) der strit hie nvt mag gescheiden werden, so sol man ez dar vmbe niene ziehin^ap), wan sol eht die, die vrteilde gesprochen hant, ze Costenze senden ir reht dar vmbe da zer varende^aq), vnde swaz die wider sagent, darnach sol ez der abt danne^ar) endelichen rihten. Wir verjehen ^as) o^vch an disem selben briefe, daz wir von dekeinem menschen, der niht semper ist noch burgerreht^at) hat, mit swelhem andern rehte ^au) er vnser gotzhus^av) an ho^eret vnde er doch ze sant Gallen sezhaft ist vnde den bvrgern^aw) wachen hilfet vnde dem riche stvre gebent, dekein ansprache an in oder an sin erben svlent han weder an ligendem gůte in den vier cruzen^ax) vnde obnendi der berge, alse der sne^ay) sliffet, noch an dekeinem sinem varnden gůte, swa ers habe, ane daz alleine, daz er sin tvrste lebendes gut ze valle geben sol, vnde ob er dez nvt^az) hat, ist er ein hagstolz ^ba), vnde hat er varnde gůt vnde stirbet er, so sol man gelten von sinem varenden^bb) gůte verwissene^bc) gulte, die er gelten sol, vnde sol der abt sich dez andern varnden gůtes vnderwinden, vnde hat er ein wip vnde stirbet er an ^ai) libes erben vnde lat er varnde gůt, so sol man von sinem varnden gůte gelten verwissene^bc) gulte^bd), die er gelten sol, vnde sol der abt danne^ar) dez vbrigen varnden gůtes nemen den halben teil vnde daz wip den andern teil. Vmbe diser selben lvte^be) erben ist ez alsus geschaffen, daz kint vnde wip erbent, ob sv die^bf) hant, ob sv der enweders^bg) hant, so erbent sv ir naehsten vatters mage, ez si wip oder man, vindet man aber der deheinen^bh), so sol ez mv^oterhalb daz naehste tvn. Ist aber, daz sv diser erben aller deheinen hant, so sol der abt alliz ir ligendes gůt, daz ze margtrehte lit, alliz in sinen gewalt ziehen ^bi) vnde behalten iar^bk) vnde tag vnde sol antwurten^bI) in der selben vrist^bm) allen den, die von rehtem erbe dehein ansprache dar an hant. Wir verjehen ^as) o^vch an disem briefe, swer ein semper man ist oder bvrgerreht hat, daz den nieman ierren sol, er mvge^bn) mit sinem kinde komen ze closter^bo) oder zer ê, swar er wil, vnde verjehen o^vch, daz man deheinen bvrger von sant Gallen weder heften noch phenden sol an libe noch an gůte weder fvr abt noch fvr vogt, ez si ez ^bp) denne selbe gult^bd) oder bvrge. Vnde ze einer ganzer vnde ewiger staeti aller der dinge, der wir an disem briefe verjehen haben, so geloben wir mit gůten truwen ^bq), daz wir werbende sien mit flizze, daz disv hantvesti bestaetet vnde besigelt werde von dem riche, swenne daz kvmet. Vnde wir Hylpolt^a) der vorgenande abt ze sante^br) Gallen geben vnser ingesigel vnde vnsers^bs) conuentes ingesigel an disen brief ze ewiger staetekeit aller der dinge, die hie vor geschriben sint. Diz geschach ze sante^br) Gallen, do von gotes gebvrte waz drvzehinhvndert iar, darnach in dem ahzehinden jare, an dem naehsten^bt) vritage^bu) nach sant Othmars tage.

Source Fulltext: Chartularium Sangallense V, Nr. 3034, S. 342-343.