Nos .. officialis curie Constantiensis universorum noticie presentibus declaramus, quod constituta in nostri presentia iudicii in figura sub anno domini millesimo trecentesimo vicesimo in die beati || Gregorii discreta matrona Anna uxore legittima discreti viri Cv^onradi dicti Appen civis Constantiensis eadem Anna omni iuri et actioni sibi in curia dicta des To^elsershofe et || in possessionibus dictis des Roten gůt, in curia dicta des Na^enkers berge et in curia dicta ze Grůbe sitis aput castrum Stainach necnon in omnibus pertinenciis curiarum et pos||sessionum predictarum videlicet in agris pratis virgultis nemoribus et pascuis ac aliis quibuscumque rebus quesitis et inquesitis nominatis et non nominatis in quibuscumque locis sive ultra sive citra Renum existentibus et quibuscumque nominibus sortientibus sibi in reconpensam dotis sue per predictum Cv^onradum traditis et assignatis quovis modo conpetentibus per fidem ab ipsa prestitam nomine iuramenti renunciavit de consensu discretorum virorum Hainrici et Vo^elkini dictorum Kelner fratrum civium Constantiensium ac ipsius Anne fratrum portitorum vulgariter dictorum trager curiarum et possessionum ac pertinenciarum earundem necnon iurium et actionum predicte Anne in eisdem curis^a) possessionibus et pertinenciis earundem, prout premittitur, pertinentibus, sollempniter coram nobis, accedentibus nichilominus ad hoc auctoritate et consensu voluntariis et expressis Cv^onradi mariti sui legittimi prenotati. Et promisit nichilominus ipsa Anna sub virtute fidei per ipsam, ut premittitur, nomine iuramenti prestite se contra premissa non facere vel venire in iudicio vel extra verbo vel facto seu alio quovis ingenio sive casu et contra ipsa vel aliquod ipsorum facientibus nullatenus consentire, sed ipsa perpetuo et inviolabiliter observare. Recognovit eciam Anna predicta domum sitam in Constantia in vico dicto Morder gasse, quam ipsa unâ cum predicto Cv^onr. marito suo hactenus inhabitaverunt et adhuc inhabitant, contiguam ab uno latere domui.. dicte Tuggewasin vidue per eundem Cv^onr., cui dicta domus pertinet, in locum curiarum et possessionum predictarum necnon earundem pertinenciarum nomine reconpensationis vulgo dicte widerlegunge sibi fore traditam et effectualiter expeditam. Renunciavit etiam prefata Anna sub virtute fidei^b) per ipsam, ut premittitur, nomine iuramenti prestite de consensu et auctoritate voluntariis et expressis Hainr. et Vo^elkini fratrum et prefati Cv^onr. mariti suorum pro se suisque liberis et successoribus universis omni actioni et defensioni omnique iuris civilis et canonici auxilio, quibus mediantibus ipsa Anna seu eius liberi aut successores ullo umquam tempore per se vel per alios contra premissa vel ipsorum quodcumque venire vel facere in iudicio vel extra verbo vel facto seu alio quovis ingenio sive casu possent quovis modo, exeptioni^a) non adhibite sollempnitatis et specialiter illi iuris auxilio, quo mediante mulieres repetere possunt possessiones et res ipsis in reconpensam suarum dotium assignatas, adhibitis insuper in omnibus et singulis predictis verborum et gestuum sollempnitatibus debitis et consuetis. Et in premissorum evidens testimonium et robur incommutabile presentibus ad instantem peticionem Anne predicte sigillum curie Constantiensis duximus appendendum et easdem sub eiusdem sigilli signaculo discretis viris Hainr. dicto Spiser Bvselinger et Snewissoni iuniori civibus Constantiensibus, quibus dicte curia^c) et possessiones cum ipsarum pertinenciis predictis per predictum Cv^onr. de consensu H. et Vo^elgini portitorum predictorum legittime sunt vendite, accedente nichilominus ad hoc eiusdem Anne consensu, prout publice coram nobis fatebatur, tradidimus consignatas. Dat. Constantie, annis et die predictis, indc. III.

Source Fulltext: Chartularium Sangallense V, Nr. 3081, S. 381-382.