Allen den, die disen brief iemer^a) an sehent oder ho^errent lesen, kunden wir von gottes gnaden abt Hiltpolt¹ vnd^b) der conuent || ze sant Gallen, daz wir fro Cristinun Fluris des marschals von Menbrehzhouen² e wirtinu vnd ir brv^odern her || Růdolfen vnd her Burcharten ritern vnd Johansen gebrv^odern von Wile³ haben versezzet reht vnd redlich || ze ainem gewerten phant vierzig schephel kernen sant Galler mez vsser vsers gozhus hofe ze Tufenbach^c)4 vnd^d) zwainzig scheffel kernen des selben messes vnd ain phunt phenning Costenzer munz vsser vsers gozhus hof ze Berg⁵ vnd funf phvnt phenning der selben mvns von vser abtay zins in Gaiserwalde⁶ vmb zehen vnd hundert march silbers Costenzer geweges, ir vnd inan du selben phender ze haben vnd ze niezen^e) jarclich in werendes phandes namen, vncit wir es von ir vnd inan irledigem^f) vm zehen vnd hundert march Costenzer geweges. Wir viriehen och, daz wir des vor genanten silbers gewert sien von der vor genanten frowin vnd ir brv^odern vnd daz wir daz selbe silber haben bekeret in vsers^g) gozhus offenbern nuz, won wir haigint mit irlo^eset vnd wider^h) ko^vffet vsers gozhus kelnhof ze Stamhain⁷. Da zegegen warent die erbern lut her Cv^onrat von Ainwile⁸, Lutolt der schenk von Landek⁹, V^olrich Meldli¹⁰, Hainrich der Ômo¹¹, Cv^onrat der Kuchimaster¹² vnd ander erber lut genůg, vnd daz diz war si vnd stet blibe, so haben wir abt Hilpold vnd der conuent der vor genanten fro Cristinun vnd hern Rv^odolfen vnd hern Burcharten vnd Johansen ir brv^odern disen brief besigelt mit vserm insigel. Dir brief wart gegeben vnd bescach och diz, do man zalt von gottes geburt druzehenⁱ⁾ hundert jar vnd dar nach in dem zwainzigesten jar, an sant Vrbans tag.||
Wir her Rv^odolf, her Burchart riter vnd Johans gebrv^oder von Wile veriehen aller der dinge, so hie vor geschriben stet, vnd veriehen o^vch, swen wir gewert werdent zehen vnd hundert march silbers Costenzer geweges von dem gozhus ze sant Gallen, daz wir den sont ledig vnd ler lan die vor genanten phender, du vs vnd vser swester fro Cristinun vm daz selbe vor ginant gv^ot stv^ondent. Vnd daz diz war si vnd ste^at blibe, so geben wir vserm herren dem abt Hilpolten^k) vnd dem conuent von sant Gallen dizen brief beinsigilten mit vser drier insigil.

Source Fulltext: Chartularium Sangallense V, Nr. 3095, S. 390-391.