Allen den^a), disen brief ansehent ald ho^erent lesen, kvnd ich Go^eswin von Repstain¹, das ich han gegeben der erwirdiger frowen fron Gv^oten || von gottes gnaden der aebtissen ze Lindow² vnd ir gotzhus Jvtzinun die Forsterin, Hainrich Riedegers tochter von Fridow³, vnd allu im kint, || du eitz^a> geborn sint ald noch sont geborn werden, in den hof ze Balgach⁴ fur reht aigen, vnd sol ich vnd min erben der vorgenenter miner || frowen der a^ebtissen vnd ir gotzhus der selben fro^vwen vnd ir kinde an gaistlichem an weltlichem geriht vnd für allermeinglich reht wer sin nach reht. Vnd dar vber ze warem offen vrkund alles des da uor ist gescriben, so gib ich vorgenenter von Repstain der erwirdiger miner frowen von gottes gnaden der a^ebtissen ze Lindow vnd ir gotzhus disen brief gesigelten mit minem aigen insigel. Disse beschach vnd ist dirre brief gegeben, do man zalt von gottes geburt druzehenhundert jar, dar nach in dem aim vnd zuwianzigosten^b) jar, an dem neichsten ma^eintag nach sant Gregorien tag.

Source Fulltext: Chartularium Sangallense V, Nr. 3117, S. 402-403.