Wir graf Johans von Habspurg¹ tůn kunt allen^a), disen brief sehent oder ho^erent lesen, daz wir schuldig sin ze gelten vnserm lieben diener hern Herman von Hûnwil² vnd sinen erben, ob er nit were, funfzig mark vnd siben mark Silbers Zuricher gewiht, die in vnsern redelichen nutzz komen sint. Vnd vmb dis vorgenant gůt alles so haben wir der vorgenant graf Hans von Habspurg her Herman von Hûnwil vnd sinen erben die vogtey vber den kelnhof ze Kempten³ versetzzet ze einem rehten werenden pfande âne aller abniessender nutzze mit lut vnd mit gůt, sturen vnd mit gerichten twing vber alles, daz in den vorgenanten kelnhof ze Kempten ho^ert, vnd bennen vnd mit aller zůgehord a^vne allein die gericht vber die heim, die geho^erent einen abt an von Neissidelen⁴, anders hat er mit keim gericht nut ze schaffen. Man sol ouch wissen, daz wir der vorgenant graf Hans von Habspurg noch vnser erben von her Herman von Hûnwil noch von sinen erben den vorgenanten kelnhof ze Kempten nit lo^esen sond, e wir die vesti ze Griffenberg⁵ lo^esen, da die selb vogty hin ho^ert. Vnd haruber ze einer warheit vnd vestem vrkund so geben wir der vorgenant graf Hans von Habspurg fur vns vnd vnser erben vnserm lieben diener her Herman von Hûnwil vnd sinen erben disen brief besigelt mit vnserm insigel. Dis beschach vnd wart dirr brief geben ze Rapreswil⁶ in der stat an sant Vrbans tag, do man zalt von Cristus geburt druzehen hundert jar vnd darnach in eim vnd zwentzzigosten jar, da ze gegen waren her V^olrich von Matzingen⁷ frije vnd der Sna^epf⁸ vnd der Russinger⁹ vnd Gamulstein⁹ vnd a^vne daz^b) erber lut.

Source Fulltext: Chartularium Sangallense V, Nr. 3122, S. 405.