Allen den, die disen brief ansehend lesend oder ho^errend lesen, kvnd ich her Hainrich von Griessenberg¹ ritter, das || mir her V^olrich von Drvfburg^a) kamerer des gotzhus||
sant Gallen² ha^vt verluhen den hof ze Jonschwile³ mit || allen den rehten nvzen vnd^b)||
gewonhaiten, als ien ain keller sol han, vnd vergich, das ich dem vorgenemten || her V^olrich oder sinen nachkomenen sol berihten die zins, die ien gevallend von dem vorgenemten hof, vnd andrv iero reht vnd gewonhait, als ain keller des vor genemten hofs sol tv^on von reht oder von gewonhait, vnd vergich och, wen ich von dirre weit schaid, das der vor genemt her V^olrich oder sin nachkomen sond nemen das beist hopt, da mit man den vorgenemten hof bvwet, es si ros oder rient, vnd vergich och, das enkain min erbe nach mim to^ed sol kain anspravch noch reht han zv^o dem vor genemten hof. Vnd||
das dis alles war vnd steit belibi, so besigel ich disen brief mit minem aigen insigel ze ainem waren vrkvndv aller der vor geschribenen dingen. Dir brief wart geschriben vnd gegeben, do man zalt von gottes gebvrtv drvzehenhvndert jar, dar nach in dem drv vnd zwainzegosten jar, an dem neihsten fritag nach sant Fiden tag.

Source Fulltext: Chartularium Sangallense V, Nr. 3193, S. 456.