Ich her Eberhart von Burglun¹ der jvnge ritter vnd frige, her Růdolf von Roschach kircherre², her Eglolf von Roschach kircherre³, || her Wernher von Henno^vwe⁴, her Cv^onrat von Wellenberg⁵ ritter, Hainrich der Ome⁶, Cv^onrat von Glothvn⁷, Cv^onrat der Sternegger⁸, || Hainr. von Leonberg⁹, Franciscus der Bo^essche vergiehen vnd kunden allen den, die disen brief sehent, lesent oder ho^erent, das || wir da bi gewesen sigen vnd gesehen vnd geho^ert haben, das die vor genemten C. der Sternegger vnd Hainr. von Leonberg amptlute der saeligen in got hern Hainr. von Griessenberg vnd hern Lutoltz von Griessenberg¹⁰ gesworen hant vnd swo^vren ze den hailigen ainen geleiten aid, das sie anders nie geho^ert hetten noch vernomen ane alle gevaerde, wan das dv hie nach geschriben lute vnd go^eter von dem gotzhus ze sant Gallen recht lehen sint, vnd sint das dise lute, Cv^onr. der Sternegger, Hainr. von Leonberg, .. die Bo^esschen vnd alle, die sie an geho^erent, .. die Nieslin, .. die lute, die von Fridoltzhouen¹¹ sint, Wiltberg¹² das gůt vnd dar nach lute vnd gůt, was zv^o Wiltberg geho^eret, genemt vnd vngenemt, geschůcht vnd vngeschůcht, den hof ze dem Sennehuse¹³, Huttisteten¹⁴, die Egge¹⁵, das Nord¹⁶, Witwile¹⁷, den Nidern hof in Rindal¹⁸, den kirchenschatz ze Henno^vwe, die vogtyge ze Nider Vtzwile¹⁹, die vogtyge ze Adelgeshusen²⁰, die vogtyge^a) ze baiden Steten²¹, die vogtyge ze Husren²² vnd ze Vbrewangen²³, den zehenden ze Vbrenwangen, ain camer lehen Zo^vtzwile²⁴, die vogtyge ze Bv^oswile²⁵, den kelnhof ze Bussenang²⁶, die vogtyge ze Rotehusen²⁷, den hof ze Junkholtz²⁸ vnd die Egge²⁹, den hof ze Blathun³⁰, zwai go^eter ze Houen³¹, Bennikon³², baidu Aichrain³³, Bynssegge³⁴, in den^b) Thurtal³⁵ den hof in den Stokken³⁶, den hof ze Essenruti³⁷, die ho^efe vnd du go^eter ze Jonswile³⁸, du der Bo^essche vnd Cv^onr. von Wil³⁹ inne het, den hof ze Lutenriet⁴⁰, ain gůt ze Dietzwile⁴¹, die hůbe ze Rikkenbach⁴², die Hainr. von Leonberg het, die hůben ze dem Wile⁴³, die Leonberg vnd des Bo^vsschen sint, den hof ze dem Wile, der des Sterneggers ist, den zehenden Zo^vtzwile^c), de[n]^d) Johans von Leonberg⁴⁴ het, die hůbe Zv^otzwile^c), die Hainr. von Leonberg hat, die hv^obe ze Wiger⁴⁵, du des Bo^esschen ist, den zehenden ze Henno^vwe, der Leonberg ist, vs dem hof ze Rikkenbach XII. mutte kernen, den drittentail des Staines ze der alten Toggenburg⁴⁶. Disu go^eter hie nach geschriben sint burglehen ze der alten Toggenburg, ze Batzenhaid⁴⁷ XX.VII. mutte kern, II. viertail vier malter habern, drissek Schillinge phenningvn, ze Rikkenbach drissek mutte kern, zehen phunt wahses. Disu nah geschriben go^eter sint phant, Bernhartzcelle⁴⁸, Morshůbe⁴⁹, Helfoltzwile^c)50, Rikkenbach, Batzenhaid, Adorf⁵¹, der ober hof ze Aelgo^e52, der zehende ze Moggwile^c)53 vnd ze Bramshouen⁵⁴, der zehende ze dem Wile⁴³, der zehende Zo^vtzwile^c). Wir die vor genemten her Eberhart von Burglun vnd die andern vergiehen och, das wir da bi gewesen sigen vnd gesehen vnd geho^ert haben, das der erwirdig von gotz genaden apt Hiltpolt^e) apt ze sant Gallen⁵⁵ leh du vor geschriben lehen vnd burglehen frv^o Adelhait⁵⁶ hern Lutoltz von Griessenberg saeligen tochter. Wir die vor geschriben her Eberhart von Burglun vnd die andern vergiehen och, das wir da bi gewesen sigen und geshehen^f) vnd geho^ert haben, das C. der Sternegger vnd Hainr. von Leonberg sprachen, der hof ze Wil³⁹ waere lehen, das wart wider redet, den leh vnser herre der apt nicht vnd behielt ime vnd dem gotzhus sinu recht vmbe den hof ze Wil, frv^o Adelhait da vor genemt behielt ir selber och iru recht vmbe den hof ze Wil. Vnd ze ainem waren vrkunde aller der vor geschriben dinge dar vmbe so geben wir die vor genemten her Eber, von Burglun vnd die andern disen brief besigelt mit vnseren insigeln. Diz beschach vnd wart dirre brief geben ze sant Gallen, an dem samstag nach sant Nycolaus tag, do man zalt von gotz geburte druzehen hundert iar, dar nach in dem vierden vnd zwainzegosten iar.

Source Fulltext: Chartularium Sangallense V, Nr. 3223, S. 473-475.