Venerabili fratri .. episcopo Constanciensi salutem. Ex parte dilecti filii Johannis de Roschach¹ acoliti tue diocesis fuit nobis humiliter supplicatum, ut cum eo super deffectu natalium, quem patitur de solito genitus et^a) coniugata, quod huiusmodi non obstante deffectu possit^b) in susceptis ordinibus ministrare et ad omnes^c) superiores ordines promoveri et ecclesiasticum beneficium obtinere, etiam si curam habeat animarum, dispensare misericorditer curaremus. De tua igitur circumspectione plenam in domino fiduciam obtinentes, fraternitati tue per apostolica scripta mandamus, quatenus consideratis diligenter circumstanciis universis, que circa ydoneitatem persone fuerint attendende, si eum alias ad hoc ydoneum esse repereris nec sit paterne incontinencie^d) imitator, super quibus tuam intendimus conscienciam onerare aliasque sibi merita suffragantur ad huiusmodi dispensationis graciam obtinendam secum super premissis auetoritate nostra dispenses, ita tamen, quod dictus Johannes sicut requiret onus beneficii, quod eum post dispensationem huiusmodi obtinere contigerit, ad sacros ordines^e) se faciat ut premititur^f) statutis a iure temporibus promoveri et personaliter resideat in eodem, alioquin huiusmodi gracia quoad beneficium ipsum nullius penitus sit momenti. Dat. Auinione, VIII. idus octobr. anno nono.

Source Fulltext: Chartularium Sangallense V, Nr. 3218, S. 472.