Nos V^olr. de^a) Ende prepositus et portinarius monasterii sancti Galli¹ notum fieri volumus presencium inspectoribus || ac auditoribus universis, quod nos recongnoscimus et presentibus confitemur, Hainr. dictum Frost, Hainr. dictum || Flissing iuniorem et .. liberos Cůnr. dicti de Balgingen² cives in Rotwil³ tenere ac possidere iure feodi a || monasterio sancti Galli decimam in Wurmelingen⁴, que pertinet seu annexa est officio portinarie monasterii eiusdem, tamquam feodum antiquum ante tempus concilii, quod prohibet laycis ab ecclesiis vel monasteriis decimas in feodum dari eis, a quibus dicti H. dictus Frost, H. dictus Flissing et .. liberi C. de Balgingen tamen habuerunt concessas, et de eadem decima solvere debent annuatim nomine census nobis et nostris in officio portinarie successoribus predicti H. H. et .. liberi predicti C. ac eorum successores unum maltrum siliginis mensure in Wurmelingen usualis et conswete in festo beati Galli singulis annis et illud in ipsa villa Wurmelingen debent nobis vel nostris nunciis presentare, ita quod predicti H. et^b) H. predicti malteri^c), prelibati vero .. liberi C. predicti aliam medietatem eiusdem solvere tenentur. Volumus etiam, ut iidem H. et^b) H. et liberi C. predicti eandem decimam ad heredes transmittere valeant. Volumus etiam, in quascumque manus seu quamcumque manum devenerit predicta decima per successionem vel vendicionem seu aliam alienacionem, quam eisdem H. et H. pro sua medietate, quam ipsi de eadem possident decima, et .. liberi C. predicti pro alia medietate prefate decime, quam ipsi tenent et possident, facere permittimus, quas concedimus per presentes. Et novus eiusdem decime possessor quilibet seu etiam possessores, sive singulari sive universali titulo ad ipsum sive ipsos predicta decima inposterum pervenerit, recipiant etiam sive investiantur a nobis vel nostris in officio predicto successoribus sub censu superius prenotato. Item promittimus pro nobis et nostris in portinaria monasterii sancti Galli successoribus predictis H. et H. ac .. liberis C. prefati ac eorum vel unius ipsorum successori in decima predicta seu universali successori seu etiam successoribus, in omni loco, in omni foro warandam de eadem prestare decima, secundum quod ius et conswetudo patrie exiguit de feod(is) warandiam exhiberi. In cuius rei testimonium et [ro]bur^d) firmum sigillum nostrum presentibus duximus appendendum. Datum Rotwil anno domini M°.CCC°.XXV°, XVII°. kal. octobr., indic. VIII^a.

Source Fulltext: Chartularium Sangallense V, Nr. 3264, S. 504.