Allen den, dye disen brief sehent lesent alder horent lesen, tv^on ich || Andres von Wilberch¹ kunt, das ich mit dem komendur vnd den brůdern || von Bv^obikon² sant Johans ordens des spitales von Jerusalem vburain || bin komen ainr genossami vmbe Hartmannen des Scherers svn von Wile³, der der brůdur^a) aigen ist von Bůbikon, vnd Margaretun Arnoides des Gundelisowers tohter von Raprehswile⁴, dv mich den vorgenanden Andresen von aigenschefte anhoret, also das allv dv kint, dv Hartman vnd Margarete mit anander gewinnent, das dv halbv sint der brůder vnd des hus von Bůbikon vnd haelbu min. Vnd das dis war vnd staete si vnd belibe vnd es nieman mit dehaim rehte gebrechen muge, des henke ich der vorgenande Andres von Wilberch min insigel an disen brief ze ainem staeten vrkunde. Dis beschach vnd wart dier brief gegeben, do man zalte von gottes geburte druzehen hundert jar, darnach in dem wnf vnd zwainzigostem jare, an sant Jacobes abunde ze Bůbikon.

Source Fulltext: Chartularium Sangallense V, Nr. 3260, S. 501.