Wir Lupolt von gotes gnaden hertzog ze Oster(rich)¹ vnd z[e Styr]^a) veriehen vnd tv^en kunt offenlich an disem brief, als an vns || gesatzet ist vmbe den sto^ez zwischent vnserm o^eheimen grauen D[iethelm v]nd^a) grauen Fridrichen von Tockenburg² vnd dem abt von sand || Gallen³, daz wir dar vber gesprochen vnd erteilet haben, als [hie nach]^a) geschriben stat. Wir sprechen des ersten vmbe Egli von Pi||chelse⁴, als der den abt hat an gesprochen, daz vns dunket vnd [daz wir]^a) brief hant gesehen, di dar vber geben sint mit solcher geworsam, daz er dehein recht zu der ansprach habe, vnd he[izzen, daz]^a) daz ab sie. Vmbe Walthern von Pichelse⁵, der geuangen ist, als er gicht an schulde, vnd si gehent, daz er inen widerseit [habe]^a), heizzen wir, ist daz der abt vnd sin diener ku^entlich machent mit luten, den ze gelůben ist, daz er inen mit briefen wide[rseit ha]be^a) alder mit luten, den ze gelůben ist, alder mit im selber, was im dann geschechen ist, dunket vns, daz er sinen schade[n .. .]^a), ist aber des nut, so dunket vns, daz man im sin habe gelt vnd den schaden, den er von zerunge in der vanknu^est gehebt [...⁶. V]mbe^a) du phandunge, di Walther von Pichelse getan hat, sprechen wir, ist daz der abt fůr mag bringen mit briefen [alder mit]^a) lebentigen zugen, den ze gelůben ist, daz er daz gelte, dar vmbe er gephant hat, koufet hat vormals, so dunket vns, da[z er w]idertu^ege, was er in getan hat, ist aber des nut, so du^enket uns, swo er gephant hat vmbe als vil im ûs stat, daz er [reht]^a) dar zů habe vnd er daz v^ebrige wider gebe. Wir wellen ouch vmbe Pichelse, alz [vor wir]^b) geredet haben, wer daz, daz [es de]m^a) abt geuiele wider ze tunde, daz daz doch an vns stande. Wir sprechen ouch vmbe Heinrichen ab dem Huse⁷, dar vm[be er d]en^a) abt gephandet hat, sit die von Tockenburg vnd der abt vnlogenhaftig sint, da sie ein richtunge geschehen, mag ouch [der abt]^a) vnd sin diner fu^er bringen mit briefen alder mit luten, den dar vmbe ze gelůben ist, daz vmbe die satzunge vz geseit ist, [.. .]^a) den luten, den ze gelůben ist, vnd dem abt daz gut geuallen ist, dar vmbe du satzunge geschache, so su^ellenn du von Tock[enburg]^a) schaffen, daz es widertan werde ald sich sin also entziechen, daz man sehe, daz su vnschuldig sien. Wir wellen ouch, d[az alle]^a) gedinge ab sien, swas niht geweret wart, ê wir vns dirre sache vnder wunden^c), vnd alle geuangen ledig sien ze beid[en site]n^a), du von des krieges wegen geuangen sint. Wir sprechen ouch vmbe den schaden, der dem von Roscha⁸ geschechen ist, [daz]^a) man in den ablege ze minnen, also daz die von Toggenburg geben zechen phunt vnd der abt zechen phunt z[wisch]ent^a) hie vnd o^estern, es were danne, daz die von Toggenburg bringen mochten, daz er des krieges gewesen were, ald du [.. .]lten^a) ûf iren schaden hete, du des krieges gewesen sint. Wir wellen ouch vmbe den schaden ze Appatzelle⁹, der v[on] vnsern luten vnd guten da geschechen ist, daz sich des vnser o^eheim von Toggenburg mit vns richten nach vnsern gnade[n]^a). Wir wellen ouch, wo in disen sachen stoz wurde, daz ein iehen, daz were fu^erbracht, du andern iehen, es were nut f[urbr]acht, daz sie des an vnsern vogt von Eppenstein¹⁰ komen, vnd was su der heizze, daz sie daz tu^en. Es sol ouch der selbe [von]^a) Eppenstein sweren, daz er gemein sie. Wir heizzen sie ouch, daz su gut frunt sin vnd gantze sune haben, wa[n si]e^a) daz gesworn hant ze den heiligen. Vnd daz ditzes stête vnd vntzebrochen^d) belibe, haben wir vnser insigel g[ehe]nket^a) an disen brief. Der wart geben ze Brucke¹¹ an mitwochen nach sand Katherinen tag, da man zalt von Kr[istes]^a) geburte druzehundert jar, dar nach in dem fu^emfe vnd zweintzchistem jar.

Source Fulltext: Chartularium Sangallense V, Nr. 3269, S. 506-507.