Allen dien, die disen brief ansehent lesent oder ho^erent lesen, kúnden vnd ver||iehent wir Johans von Lindenberg¹ vnd Albreht von Haidelberg² der junger, || das wir v´nserm erwirdigen herren abt Hiltpolt³ vnd dem gotzhus von || sant Gallen vrilich, mit gůtem willen vnd mit bedahtem můte ze ko^vfen vnd^a) vf geben haben fro Elizabethen, Hainrichs tohter von Bu^ele⁴, La^euerlis elichen wirten, also das sú des vorgeschriben v´nsers herren abt Hiltpoltes vnd des gotzhus von sant Gallen aigen wesen sol, dú vormales v´nser baider gemaind vnd v´nser reht lehen was von dem vorgenemten gotzhus. Vnd ist das bescha^ehen mit allen dien worten geba^erden vnd ehafti, so dar zů von reht vnd von gewonhait notdúrftig was. Vnd das dis alles war sie vnd sta^et belibe von v´ns vnd^b) von allen v´nsern erben, dar vmb geben wir disen brief mit v´nsern aigen insigeln besigelt. Das beschah vnd wart dirre brief geben ze sant Gallen, do man zalt von gottes gebúrt drúzehenhundert jar, darnah in dem ahtenden vnd zwainzigesten jar, ze mittem maien.

Source Fulltext: Chartularium Sangallense VI, Nr. 3348, S. 37-38.