Wir Ludwig von gots gnaden Romischer chayser ze allen zeiten ein merer des riches veriehen offenlich an disem brieff, daz wir vnsern lieben o^ehem || Albr. vnd Ott. hertzogen ze Oster.¹ vnd ze Styr² vmb di dienst, di si vns vnd dem riche ze Deu^etschen landen tůn su^ellen mit land vnd mit lu^eten, || als si beste mu^egen, an gevêrde, geben haben vnd geben zwaintzig tausent march silbers Chostentzer gewichtes, darumb wir in vnd i^eren erben versetzet || haben vnd versetzen ze rehten vnd redlichen phanden di stet vnd vesten Zv^erich, Schaffhusen³, ze sand Gallen vnd Rynueld⁴ stat vnd burk, di wir in von disem heu^etigem tag in den nahsten vi^er wochen inantwu^erten su^ellen mit lu^eten, gu^eten, eren, rehten, chirchsêtzen, gu^elt, judenstevr, nu^etzen vnd gewonhaiten vnd mit allem dem vnd dartzv^o geho^ert, swie daz genant ist, als von alter her chomen ist, also daz si vnd ir erben di selben phand vnd nu^etze innehaben vnd niezzen su^ellen, als lang vntz wir oder vnser nachchomen an dem riche si von in oder ir^een erben vmb daz vorgenant gůt widerledigen vnd lo^esen, vnd su^ellen ouch in di vorgeschriben nu^etze, di wir in ouch vmb ir dienst vr^eilich geben haben, alle di weil vnd sie di vorgenanten phand innehabent, an den egenanten zwaintzig tausent march silbers nicht abgen. Sie su^ellen ouch vns vnd vnsern nahkomen an dem riche di obgenanten phand halbe Zv´rich vnd sand Gallen vmb halbes gůt vnd Schaffhusen vnd Rynueld ouch vmb halbes gůt oder gar vmb gantzes gůt widerzelo^esen geben an widerred, swenne wir oder vnser nahkomen sei^a) lo^esen wellen. Sie sullen ouch di vorgenanten stat Rynueld selbe lo^esen vmb daz gůt, darumb si versatzet ist, vnd sol man in daz slahen vf di vorgenanten phand. Swaz ouch ander Ro^emische chu^enig oder chayser von den egenanten phanden vnd gu^eten verchumert oder versetzet heten vor vnser wal, daz mu^egen vnser obgenant o^ehem lo^esen, ob si wellent, vnd vmb swaz si ez lo^esen, daz su^ellen si vf di obgenanten phand slahen, vnd sol als vil in di summe gemert werden. Swaz aber wir selber davon versetzet oder verchumert hieten von den selben phanden, daz su^ellen wir in ledigen vnuertzogenli^ech. Ob ouch vnser vorgenant o^eheim an den phanden dhain irr^eung gewunnen, so su^ellen wir di dartzv^o halten vnd in beholfen sein, wenne si vns darumb ermanent, daz in di phand, di stozzig sind, in werden gêntzlich vnd geruchli^ech, vnd su^ellen wir in ouch di selben phand mit der walfu^ersten brief vnd vrchu^ende bestêtigen, als wir aller schi^eriste mu^egen, an gevêrd. Ouch veriehen wir, daz vnser lieber swager chu^enig Johans ze Behem vnd ze Polan vnd graf ze Lu^ecemburg⁵ vnsern egenanten o^eheim an dr^eizzig tousent march silbers des vorgenanten gewichtes, di wir in gegeben solten haben vmb den dienst in Teu^etschen landen vnd gen Lamparten⁶, zehen tausent march silbers fur^e den dienst gen Lamparten hat abgetaidinget, vnd darumb so lazzen wir vnd sagen ouch di offtgenanten vnser o^ehem alles ir^ees dienstes, den si vns gen Lamparten su^ellen tůn, allerding lase vnd ledig. Vnd daru\eber geben wir in disen brieff mit vnserm chayserli^echen insigel versigelt ze einem offen vrchu^ende der warhait. Der ist geben ze Hagenowe^b)7, do man zalt von Christes gebu^erd dreutzehen hundert iar, darnach in dem drizzigistem iar, des mentages vor sand Laurencen tag, in dem sechtzehendem iar vnsers riches vnd indem dritten iar vnsers chaysertums.

Source Fulltext: Chartularium Sangallense VI, Nr. 3420, S. 87-88.