Dilectis filiis . . abbati monasterii in Crucelino¹ extra muros Constancienses et . . preposito in Zurciaco² Constanciensis diocesis ac magistro Nicolao de Fractis canonico Patracensis³ ecclesiarum litterarum nostrarum correctori salutem etc. Probitatis decor vite mundicia et alia dilecti filii Vlrici de sancto Gallo⁴ canonici ecclesie Thuricensis^a)5 Constanciensis diocesis virtutum merita, quibus personam suam fidedignorum testimonio iuvari percepimus, nos inducunt, ut eum speciali gratia prosequamur. Cum itaque, sicut accepimus, dictus Vlricus defectum natalium paciens de diacono genitus et soluta parrochialem ecclesiam in Betineringen⁶ dicte diocesis tunc vacantem dispensacione super hoc aliqua non obtenta fuerit alias tamen canonice assecutus, sicque dicta parochialis^b) ecclesia adhuc de iure vacare noscatur, nos volentes dicto Vlrico huiusmodi suorum meritorum obtentu, pro quo eciam venerabilis frater noster Rudolphus episcopus Constanciensis⁷, cuius clericus et notarius esse dicitur, nobis super hoc humiliter supplicavit, gratiam facere specialem, discretioni vestre per apostolica scripta mandamus, quatinus vos vel duo aut unus vestrum per vos vel alium seu alios, si est ita et tempore date presencium non sit in dicta ecclesia parochiali^b) alicui alteri specialiter ius^c) quesitum, predictam ecclesiam sic vacantem cum omnibus iuribus et pertinentiis suis eidem Vlrico vel procuratori suo eius nomine auctoritate nostra conferre et assignare curetis, inducentes eum vel procuratorem prefatum pro ipso in corporalem possessionem dicte parochialis^b) ecclesie ac iurium et pertinentiarum eius et deffendentes^d) inductum amoto ab ea quolibet illicito detentore sibique facientes de ipsius ecclesie fructibus redditibus proventibus iuribus et obventionibus universis integre responderi. Contradictores auctoritate nostra appellacione postposita compescendo, non obstantibus, si aliqui super provisionibus sibi faciendis de huiusmodi vel aliis ecclesiis in dicta diocesi speciales vel de beneficiis ecclesiasticis in illis partibus generales apostolice sedis vel legatorum eius litteras impetrarint, etiam si per eas ad inhibitionem reservationem et decretum vel^e) alias quomodolibet sit processum, quibus omnibus, si est ita et tempore dicte^f) date non sit in dicta ecclesia alicui alteri ut premittitur ius quesitum, eundem Vlricum in assecucione dicte ecclesie volumus anteferri, sed nullum per hoc eis quo ad assecucionem ecclesiarum et beneficiorum aliorum preiudicium generari, seu si episcopo Constanciensi, qui est pro tempore, vel quibus vis aliis comuniter vel divisim ab eadem sit sede indultum, quod ad receptionem vel provisionem alicuius minime teneantur et ad id compelli aut quod interdici suspendi vel excommunicari non possint, quodque de huiusmodi vel aliis beneficiis ecclesiasticis ad eorum collationem provisionem seu quamvis aliam dispositionem coniunctim vel separatim spectantibus nulli valeat provideri per litteras apostolicas non facientes plenam et expressam ac de verbo ad verbum de indulto huiusmodi mencionem, et qualibet alia dicte sedis indulgentia generali vel speciali cuiuscumque tenoris existat, per quam presentibus non expressam vel totaliter non^g) insertam effectus huiusmodi nostre gratie impetrari valeat quomodolibet vel differri et de qua cuiusque toto tenore habenda sit in nostris litteris mencio specialis. Nos enim, si est ita et tempore date huiusmodi non sit in ipsa parochiali^b) ecclesia, ut premittitur, alicui alteri^h) specialiter ius quesitum, irritum decernimus et inane, si secus super hiis a quoquam quavis auctoritate scienter vel ignoranter contigerit attemptari. Dat. Auinione, V. kl. iunii, anno quartodecimoⁱ⁾.

Source Fulltext: Chartularium Sangallense VI, Nr. 3416, S. 83-84.