Wir Rudolf von gottes gnaden byschof ze Costentz vnd pfleger dez gotzhus ze sant Gallen¹ tu^egin || kunt vnd veriehen offenlich an disem brieue, daz der frum man Gerung von Notgenstain² fúr || vns kom ze Arbon³ vnd batte vns flehelich, daz wir den zehenden ze Mose⁴, den er von vns vnd || vnserm gotzhus ze sant Gallen ze lehen hatte, von im vfnemin vnd den selben zehenden Hainrich Luppfensak von Getzis⁵, der in von ime reht vnd redlich vmbe ain genant gůt ko^vft hetti, lihin ze ainem rehten lehen. Da habin wir angesehen die dienst, die vns vnd vnserm vorbenemten gotzhus ze sant Gallen da von besehenen mugent, vnd habin den vorgeschribenn zehenden ze Mose mit allen rehten vnd gewonhaiten, die dar zů geho^erent, von dem vorgeschribenn Gerung vfgenomen vnd habin in dem e benemten Hainrich gelihen mit worten vnd mit geta^eten, die dar zů sitte vnd gewonlich sint, vnd lihin mit disem brieue. Vnd ze ainer sicherhait ditz vorgeschribenn lehens so habin wir vnsers gotzhus insigel ze sant Gallen gehenket an disen brief. Der geben ist ze Arbon, an sant Thymotheus tag, do man zalte von Cristes gebúrte drúzehenhundert jare vnd in dem ainem vnd drissigostem jare.

Source Fulltext: Chartularium Sangallense VI, Nr. 3446, S. 106.