Wir Ludwig^a) von gotes gnaden Ro^emscher chaiser alle zit ein merer des riches veriehen offenbar vor allen den, die disen brief an sehent lesent oder ho^erent lesen, daz wir mit bedahtem^b) sinne vnd | nach || vnsers ratz rat v^ensern lieben kinden vnd fu^ersten Ludwigen^c) margraue ze Brannenburch^d)6, Stephan^e) vnd Lud.^f) den jůngen⁷ iren brůder, herzogen ze Baigern^g) vnd daz selbe lant in Obern Baigern^g), | den edeln man v^ensern lieben || haimlicher Berhtolden graue ze Graispach^h) vnd Maurstetenⁱ⁾ von Niffen^k)8 v^ensern hauptman ze Baigern^g), v^ensern vitztům Hainr.^l) von Gvmppenberg^m)9 oder wer fu^erbaz hauptman oder | vitztům in Obern Baigern^g) wirt vnd ist, vnd v^ensern || lieben fu^ersten bischoff V^olrichenⁿ⁾ von Augspurch^o)10 vnd da zů die stett, die hie gescriben stant, daz ist Augspurch^o), Vlme¹¹, Bibrach^p)12, Memmingen^q)13, Chempten^r)14, Chauffbu^eren^s)15, Rauenspurch^t)16, Phullendorff^u)17, V^eberlingen^v)18, Lyndowe^w)19, Costentz^x), sant Gallen, Zu^erche^y)20, Ru^etlingen^z)21, Ratwile^aa)22, Wile²³, Hailtbrunnen^ab)24, Winphfen^ac)25, Winsperch^ad)26, Halle²⁷, Ezzlingen^ae)28 vnd Geis mu^ende^af)29 geboten vnd geheizzen haben, daz sich die selben stett durch frides vnd schirms willen triwelich mit aiden bindent vnd verbunden hant durch bezzerung vnd durch ein notdu^erft ir libes vnd ir gůtes zv^o v^ensern lieben kinden vnd zů den vorgenanten herren vnd zů v^enserm lant ze Baigern^g), vnd si sich hin wider durch triwe vnde durch gůt zů in mit aiden ouch gebunden hant in aller der wise vnd in aller der puntnu^ezze, als her nach mit worten erlu^eht vnd beschaiden ist, vnd su^elnt sie vnd alle die, die noch zů in in die puntnu^ezze koment, ein andren des rehten vnd^ag) redlicher sache zů legen vnd beholfen sin, als verre in lib vnd gůt raichet, vnd sol dise puntnu^ezze werun, der wir in gu^ennen vnd gegu^ennet haben, bi v^enserm leben vnd als lang wir leben vnd da nach zwai gentziu jar diu nehsten nach ein ander mit der bescheidenheit vnd mit der puntnu^ezze, als her nach gescriben stat. Wir die vorgenanten herren vnd stett, die zů diser puntnu^ezze ho^erent vnd die sich noch zů v^ens^ah) verbinden werdent, haben v^ens selben behalten von der gnade v^ensers gnedigen herren chaiser Lud.^a) von Rome des obgenanten, ob ez da zů kaeme, daz in den vorgescriben zwain jaren ein einmu^etiger vnd ein einweliger Ro^emscher chu^ench uf stůnde vnd wir des geindert wu^erden, so su^eln wir ze samen komen gen Augspurch^o), die zů diser puntnu^ezze ho^erent, vnd su^elnt da gemainlich ze ra^vt werden, vnd komen wir des alle v^eber ein ald der merer tail vnder v^ens, daz wir den wizzen vnd erkennen fu^er einen einmu^etigen vnd fu^er einen einweligen Ro^emschen chu^ench, so su^eln wir im alle gelich vnd gemainlich gehorsam sin als einem Ro^emschen chu^ench von reht, vnd su^eln v^ens daran niht sundern noch schaiden mit deheinen sachen, vnd su^elnt denne herren vnd stett, die in diser puntnu^ezze sint, ir aide vnd dirre puntnu^ezze ledig sin. Were ouch, daz ein chriech vmbe daz riche wu^erde, daz got behu^et, in der frist vnd des vorgescriben zils, als balde wir verneinen, so su^eln wir da nach des nehsten manodes herren vnd stet, die zů diser puntnu^ezze ho^erent, gen Augspurch^o) ze samen komen vnd su^elnt v^enser herren von Baigern^ai) zwen dar geben von ir rat, ob si selbe dar niht komen mugent, vnd zů den zwaien ainen, swer ir hauptman ist in Baigern^g), der sol der dritt sin, vnd v^enser herre bischoff V^olrich^ak) von Augspurch^o) oder sin nachkomen, ob der in der puntnu^ezze sin wil vnd sich zů v^ens bindet, als er getan hat, einen dar geben oder er selbe, vnd die burger von Augspurch^o) zwen von ir rat, da zů alle die stet, die zů diser puntnu^esse ho^erent, die des richs sint vnd die mit rat in diso puntnu^ezze komen sint oder noch koment, der stet iegeliche sol einen dar geben, vnd su^elnt die gemainlichen ze den heiligen swern, daz si erkennen nach ir aide, welher herre vnder in redlicher vnd rehter erwelt sie, vnd wa si dunket gemainlich ald den mereren tail, der reht habe, den su^eln wir erkennen vnd han fu^er einen Ro^emschen chu^ench vnd su^eln dem gehorsam sin siner reht ze tu^ende als einem Ro^emschen chu^ench, vnd sol der minder tail dem mereren tail des geuo^elgig sin ane widerrede, vnd su^elnt denne der puntnu^ezze aber ledig sin. Were ouch, daz ettlich herre oder stat, die zů diser puntnu^ezze ho^erent, sv^omige wu^erden vnd niht enkaemen vf den vorgescriben tak, vnd kaeme denne der merer tail dar, swes die denne uf den aid v^eber ein koment oder der merertail, des sol der minder tail aber geuo^elgig sin. Wir sien ouch des gemainlich v^eber ein komen herren vnd stet, die zů diser puntnu^ezze ho^erent, vmbe alle die chriege vnd sto^ezze, die v^ens anvallent, wa oder in welhen weg v^ens die angant, daz wir ein ander beholfen su^eln sin, als verre v^ens lip vnd gůt^al) raichet, ane geuerde, vnd waz ieman alter sto^ezze vnd alter chrieg hat, ê disiu puntnu^ezze angeuangen wu^erde, da zů sien wir in niht gebunden ze helfen, denne als verre wir ez gern tůn, vnd were ouch, daz dehein herre oder stat, die iezo in diser puntnu^esse sint oder her nach dar in koment, von ieman geschadget wu^erden in dem vorgescriben zil, vnd daz gescheche v^ensern herren von Baigern^g) ald dem margrauen von Brannenburch^am) an ir herschaft vnd an ir lant ze Baigern^g) vnd ze Swaben ald v^enserm herren bischoff V^olrich^ak) von Augspurch^o), so su^elnt die vorgesprochen herren ald ir hauptman an ir stat gen Augspurch^o) senden als mengen, als hie vor gescriben stat, vnd wa sich die ald der merer tail des ratz ze Augspurch^o) uf ir aide erkennent, daz in diu tat widerrehtz geschehen ist, so su^eln si in beholffen sin in aller der wise, als ob ez in geschechen were, vnd wa si dunket uf den aid, daz si ez ane hilff niht geenden mu^egen, so su^elnt si zů in manen die nehsten herren vnd stet, als vil si der bedu^erffent vf ir aide ane geuerde. Were ouch, daz der stat ze Augspurch^o) ald deheiner andern stat, die in diser puntnu^ezze ist oder noch dar in kvmt, dehein stozz widerfu^er, daz da selben den mereren tail des ratz dunket vnd sich enstant uf den ait, daz in vnreht geschehen sie, mag denne diu selbe stat, diu den stoz lidet, allein daz niht v^eberwinden, so hat sie gwalt fu^erbaz, die nehsten herren vnd stet ze manen, als vil vnd als dikke, vntz si dunket uf den ait, daz sie den stozz geobern mu^egen, vnd were ouch, daz si fu^erbâz notdurft hilff wu^erden^an), so su^elnt si denne fu^erbaz manen alle die herren vnd stet, die zů diser puntnu^ezze ho^erent, vnd swer ouch da zů gemant wirt von herren ald von steten, die su^elnt dar v^eber sitzen mit als mengem als benemt ist vnd als vor ist gescriben, vnd su^elnt die helff schephfen nach der gelegenheit vnd nach der mugent, als sie zitlich dunket vf den ait, daz notdurft ist. Were ouch, daz der gebrest so grozzer wu^erde, daz alle herren vnd alle stet, die zů diser puntnu^ezze ho^erent, gemant wu^erden, so sol der selbe herre vnd die selbe stat, die den stozz lident, einen tak kv^enden gen Vlme^ao), vnd sol ein ieglicher herre vnd ein ieglich stat uf den tak dar senden als mengen, als hie vor gescriben stat, vnd su^elnt da ze rat werden uf den ait, wie sie die sache handeln, daz si ez v^eber obern, vnd wez der merer tail vnder in ze rat wirt, daz sol fu^erganch han. Ez ist ouch berett, swer der ist, der in diser puntnu^ezze ist, der uf wazzer uf lande geschadget, geuangen, gewu^endet, beraubet ald gemu^ert wu^erde, so sol der nehst herre oder diu nehst stat, da ez aller nehst geschehen ist, zů ilen mit^ap) ir mugent, vnd su^elnt die alles daz da zů tůn, als ob in der schad geschehen were, vnd mu^egent si ez niht geobern, so su^elnt si fu^erbaz manen in aller der wise, als ouch vor gescriben stat. Vnd were ouch, daz ieman der deheinen, die in dise puntnu^ezze ho^erent, schadgoti vnd in spise wo^elt schikken den, die uf sie zogten vnd iren schaden wu^erben, daz su^eln die andern, die in diser puntnu^ezze sint, wa si daz wizzend vnd erkennent uf den ait, wern vnd wenden, als verre si ku^ennent vnd mu^egent, vnd were ouch, daz ein stozze uf stu^ende zwischen herren vnd steten, die in diser puntnu^ezze sint oder noch dar in koment, so su^elnt dri die nehsten stet der ieglichiu dri man dazů senden, daz die den stozz zerlegen, vnd swez die nv^en man oder der merer tail vnder in dar vmbe ze rat werdent, des su^elnt sie baidenthalben geuo^elgig sin, wie si ez schikent vf ir aide, vnd wer daz widerti vnd des niht gehorsam were, so su^eln herren vnd stet, die in dirre puntnu^ezze sint, dem andern zů legen vnd beholfen sin in den vorgescriben rehten. Ez ist ouch berett, were daz ein herre oder ein stat, die zů diser puntnu^ezze ho^erent, ein gessezze gewu^ennen oder haeten, so sol der selb herre oder die stat, die der stoz angat, die kost dar lihen, der man bedarff von werken oder von bu^ewen, vnd swenne daz gesezze zer gat, so su^elnt die herren vnd die stet, die dazů gemant werdent, dar schiken, die dazů ho^erent vnd als hie vor gescriben ist, in dem nehsten manode, so daz gesezze ist^aq) zergangen, vnd su^elnt die zesamen komen uf einen tak, da si die hin manent, die daz gelt dar gelihen hant, vnd su^elnt die selben, die dazů geben sint, daz gelt vngeuarlichen tailen uf den ait iedem herren vnd ieder stat, die an dem gesezze gewesen sint, nach sinen staten, vnd wie daz geordenet vnd getailet wirt, daz sol ieglicher sinen tail vf den ait werun vnd rihten in dem nehsten manod da nach. Ez ist berett, were daz iemant beschadget wu^erde, die in diser puntnu^esse sint, von wem ald von welhen sachen daz gescheche widerrehtz, die su^elnt daz herren vnd steten, die in diser puntnu^ezze sint, verbotscheften vnd kunt machen mit iren offen briefen, vnd swenne si des geindert werdent vnd da nach der selben deheiner, die den schaden getan hant, zů in koment oder wandelti, so sint si gebvnden vf den ait, den selben ze habend vnd ze halten mit so^elchem ernst, als ob in der schad geschehen were. Swer ouch den, die in diser puntnu^ezze sint, deheinen schaden taete mit raub mit brant mit tiubstal, wer die oder den huset oder heimet, der ist in den schulden als der selbschol. Were ouch, daz iemant mit dem rehten verderbet wu^erde, wo^elt ieman dar vmbe vint sin, der sol in den schulden sin als iener, der mit dem rehten verderbet ist, vnd wa man einen schaelichen^ar) man waiz, wer den angriffet vnd ufhebt, der ist nieman nihtz da von schuldig noch gebunden. Man sol ouch wizzen, daz nieman fu^etern sol deweder mit nemen noch mit biten, denne da er durch reht fu^etern sol. Were ouch, daz der vfflau^effe vnd der sto^ezze me denne einer wu^erde, so su^elnt die herren vnd die stet, die v^eber dise puntnu^ezze genomen sint, da zů senden vnd komen gen Vlme^ao) vnd su^elnt uf den ait da v^eber ein komen oder der merer tail vnder in, waz dar vmbe aller notdu^erftigest an ze griffen sie. Ez ist ouch me gerett, wer daz ieman, der in diser puntnu^ezze ist, vintschaft oder arbeit angiengi von den sachen, die in der puntnu^ezze geschehen, da^ez man nach der puntnu^ezze an si komen wo^elt, so su^elnt den selben herren vnd stet, die in diser puntnu^ezze sint, als volliclichen zů legen vnd beholfen sin, als vor vnd als in der puntnu^ezze, vntz er der vintscheft gentzlichen entladen wirt. Were ouch, daz die stet ienent Alb^as)30 ieman heten an sich stozzend herren oder des richs dienstlu^et, die diser puntnu^esse gerten vnd dem kaiser gehuldet hant, die mu^egent si wol enphahen mit der beschaidenheit, ist daz si dunket uf ir aide, die sie der gesellescheft getan hant, daz si dem riche vnd der gesellescheft nu^etz vnd gůt sint, vnd ist, daz si iht chrieges hant, den su^elnt si vor us rihten oder man sol in dar vmbe nihtz gebunden sin ze helfende, man tu^e ez denne gern, oder von gnaden, vnd waz dienstlu^et in dise puntnu^ezze genomen wirt, daz ist mit namen berett, daz die deheinen dar geben su^elnt, der an dem rat sie bi herren vnd bi steten, als hie vor beschaiden ist, vnd wer ouch, daz ein herre in dise puntnu^esse ko^eme, der sol ouch deheinen dar geben, ez gescheche denne mit gemainem rat herren vnd stet, die zů diser puntnu^ezze ho^erent, oder von dem mereren tail. Were ouch, daz die herren oder dienstlu^et dehein stozz angiengi, so sol man in beholfen sin uf den ait nach der stet rat, die si enphangen hant, vnd ze geliher wise, als hie gescriben ist, vnd were, daz die von Aug.^at) vnd ir geselleschaft ieman zů in in die puntnu^ezz enphahen wo^elten, daz mu^egent si tůn mit rat v^enserr herren von Baigern^g) oder ir hauptmannes vnd nach rat v^ensers herren bischoff V^olr.^au) von Aug.^o), vnd also su^elnt sich halten die stet Aug.^av) vnd ir geselleschaft, Costentz^aw) vnd ir geselleschaft vnd alle die stet, die in diser puntnu^esse sint, in aller der wise als die stet ienent Albe. Wir haben v^ens selben usgenomen die aide vnd die bu^ende, da wir hinder sien, gen der herschaft ze Oster.^ax)31, als die brief sagent, die dar v^eber geben sint. Wir haben v^ens ouch behalten vnd usgenomen die aide vnd die puntnu^esse, die wir vor gesworn haben uf den tak vnd uf diu zil, als wirs gen ein ander verscriben haben, vnd sol ouch dehein stat ir puntnu^esse vnder v^ens streken, dennen daz wir ane vnderlazze bi diser puntnu^esse beliben su^eln, vnd wer ouch, daz v^enser herre von Niffen^k) in landes niht sin mo^eht oder hauptman ze Baigern^g) niht enwere, so sol man v^ens danach in den nehsten zwain manoden, so wir ez geuordret haben, einen andern an sin stat, der als schidlich si, vnd in den selben rehten geben, vnd sol der selbe swern in die puntnu^ezze, als v^enser herre von Niffen^k) gesworn hat, vnd sol den selben aid vordren vnd in nemen v^enser herre bischoff V^olr.^ay) von Aug.^at) vnd der rat da selben aid die, die si dazů schikent, vnd wa man in daz verzu^ege oder verziehen wo^elte, so ist v^enser herre bischoff V^olr.^ay), der rat ze Aug.^at) vnd alle die, die in diser puntnu^ezze sint, gen der herschaft ze Baigern^g) vnd si gen v^ens ir aid ledig vnd lere. Vnd also han wir alle gemainlich herren vnd stet, die in diser puntnu^ezze sint, ze den hailigen gelert aid gesworn, staet vnd vnwandelbaer ze halten vnd ze uolfůren alles, daz an disem brief gescriben stat. Wir Lud.^az) von gotz gnaden Ro^emscher chaiser haben v^ens selben den gwalt behalten, daz wir dise aid vnd dise puntnu^ezze abnemen mu^egen, wenne wir wellen, vnd were, daz wir ze rat wu^erden, daz wirs abe nemen wo^elten, daz mu^egen wir tůn mit der beschaidenheit, daz wir die vorgescriben stet uf einen tak besenden su^eln, vnd suln da die puntnu^ezze dabe nemen nach rat vnd mit ir wizzen. Wer aber, daz wir in landes niht weren, swer denne v^enser phleger ist vnd der in v^enser offen brief mit v´nserm insigel mit vollem gwalt zaiget vnd bringet an v^enserr stat, der sol vnd mag dise puntnu^ezze als gwalticlichen abe nemen vnd in den rehten als ouch wir. Wir haben in ouch die gnad getan alle die wile dise puntnu^esse weret, daz wir der vorgescriben stet dehein durch deheini sache zertrennen noch verkv^embern su^eln. Me haben wir in ze gnaden tan, daz disen vorgescriben steten elliu iriu reht brief vnd ir gu^et gwonheit behalten sie in allen den rehten friheit vnd gwonheit, als wir ins vor vnd v^ensern vordern bestaet vnd gegu^ennet, vnd sol si da von nieman dringen noch triben, wer si aber des entweren wo^elte, so ist v^enser gebot vnd wille, daz sie ein ander beholfen sien gen aller mengelichen in den vorgescriben rehten ane gen vns allein^ba). Wir Berhtolt graue ze Graispach vnd Maursteten von Niffen hauptman in Obern Baigern veriehen sunderbar an disem brief, daz wir elliu vorgescriben dink vnd dise puntnu^esse als ez v^eberal mit worten an disem brief erlu^eht vnd beschaiden ist, gemachet vnd gefu^egt han mit vollem gwalt, den v^ens v^enser gnediger herre chaiser Lud. von Rome der obgenant an siner stat^bb) dazů gegeben hat^bc). Vnd des ze ainer warheit geben wir v^enser aigen insigel ze ainem waren vrku^ende der vorgescriben sach an disen brief. Der wart geben ze Vlme an der mitwochen vor sant Katherinen^bd) tak. Do waren von gotes gebu^ert driuzehen hundert jar, eins vnd drisich jar.

Source Fulltext: Chartularium Sangallense VI, Nr. 3475, S. 125-129.