Allen, die disen brief sehent oder ho^erent lesen, kv´nden wir graf Kraft von Toggemburg¹ vnd veriehen offenlich, wan wir von || den erbern fromen lv´ten vnsern bvrgern² vnd svnder gv^oten frv´nden den reten vnd den bvrgern von Zv´rich geko^vffet haben recht vnd redelich || vf der brotlo^vben vnd vf der metzie Zv´rich hvndert mark silbers Zv´richer gewichte jerlicher gv´lte, der man vns vnd v´nsern erben, ob wir || enweren, jerlich ze ieglicher fron vasten geben sol fv´nf vnd zwenzig mark oder so vil pfenningen da fv´r, als man danne silber gewonlichen git, vnd haben in in kovffes wise dar vmb geben tvsent mark silbers, das alles die brieve³ wol bewisent, die si vns dar vmbe geben hant. So haben wir in dvrch die trúwe vnd dienste, so si vns dicke erzo^eget hant oder noch getůn mvgent, die gnade getan von sunderlicher frv´ntschaft, swenne vns der rat Zv´rich ermant oder vnser erben, die wir hie zv^o binden, ob wir enweren, das wir in die vorgenanden hvndert mark jerlicher gv´lte wider ze ko^vffenne geben, so sv´ln wir oder vnser erben, die wir hie zv^o binden, in oder ir nachkomen die selben hvndert mark jerlicher gv´lte wider ze kovffenne geben vnd vertigen vmb tvsent mark silbers, als wir ovch die selben gv´lte dez silbers von in geko^vffet haben, vnd swanne si ovch vns oder vnsern erben hvndert mark silbers richtent vnd gebent an dem widerkovffe, als dicke si das tv^ont vntz an tvsent mark silbers, als dicke sin wir in ovch von hvndert marken silbers gebvnden zehen mark silbers der vorgenanden gv´lte wider ze fv^egenne vnd ze vertigenne mit aller der gewarsami, so dar zv^o geho^ert, ane alle geverde, vnd swanne si vns oder vnser erben vor der fron vasten ermanent mit den tvsent marken oder mit hvndert marken ald mit zwein hvndert marken silbers vmb den widerkovf, das wir den gegen in tv^on sv´ln, als vor geschriben ist, so sint si vns oder vnsern erben der silber gv´lte vmbe so vil, als si wider kovft hant, nicht fv´rbas gebvnden ze gebenne. Dis vorgeschriben alles haben wir globt fv´r vns vnd fv´r vnser erben vnd nachkomen, die wir hie zv^o binden, stête ze hanne mit gv^oten trúwen âne alle geverde. Vnd hier v´ber daz dis alles war, veste vnd stête belibe, so geben wir disen brief . . den reten vnd . . den bvrgern Zv´rich gemeinlich mit vnserm insigel besigelt offenlich. Dis geschach Zv´rich an sant Pelagen abende, do von gottes gebv´rt waren drúcehen hvndert jar vnd dar nach in dem zwei vnd drissigosten jare.

Source Fulltext: Chartularium Sangallense VI, Nr. 3500, S. 147.