Ich her Cůnrat herzog von v´rselingen¹ tůn kunt vnd vergih offenlich allen dien, die disen || brief ansehent lesent oder ho^erent lesen, das die wisen vnd beschaiden lúte der || rat vnd die burger gemainlich von sant Gallen mir geben vnd berihtet hant siben || vnd drisseg mark silbers Costenzer gewiht, der ich von inen ga^enzlich geweret bin an der gúlte, die mir min herre der kayser an ir stúre verschaffet vnd bewiset hat, des ich sinen offen brief² vnd insigel hab. Vnd des ze vrkúnde gib ich inen disen brief versigelt mit minem insigel. Das beschah ze sant Gallen vnd wart diser brief geben, do man zalt von Cristes gebúrt drúzehenhundert jar, dar nah in dem drú vnd drissegesten jare, an dem nehsten sunnentag vor sant Gerdrut tag.

Source Fulltext: Chartularium Sangallense VI, Nr. 3510, S. 152.