Wir Ludowig von gotes gnaden Romischer keyser ze allen ziten merer dez richs enbieten den erbern wisen lüten den vogten, den burgermaistern und den reten der stede ze Costentz, ze Zurich und ze sant Gallen unsern lieben getrewen unser hulde und alles gůt. Sî, daz ez üs fugsam si, durch iuers frides und nutz willen vride und friuntschaft ze haben und ze halten mit den vogten amptlüten steden unserr öheim von Osterich, lazzen wir iuch wizzen, daz daz unser gůt wille und gunst ist, doch also, daz der vride von unsern wegen dargê als ander lantfride und anders niht. Der brief ist geben ze Nurenbergan fritag nach Georii, in dem niunzehenden jar unsers richs und in dem sehsten dez keysertumes.

Source Fulltext: Chartularium Sangallense VI, Nr. 3511, S. 153.