Universis Christi fidelibus presencium inspectoribus Hartmannus sacerdos rector ecclesie in Jônen¹ unâ cum subditis parrochianis eiusdem ecclesie || Const(antiensis) dyocesis subscripte rei noticiam cum salute. Cum res gesta scriptis mandatur, universe calumpnie materia prevenitur, ne litis prestetur occasio || successori. Noverint igitur, quos nosce fuerit oportunum, quod ego Hartmannus sacerdos rector ecclesie in Jônen necnon subditi parrochiales eiusdem ecclesie || diligenti deliberacione premissa ac communi et unanimi consilio omnium nostrum prehabito necnon utilitate ecclesie predicte pensata agrum unius iugeris estimatum quantitate eidem ecclesie iure proprietatis pertinentem, situm infra possessiones virorum religiosorum . . abbatis et conventus monasterii in Rúti² dictas Matten³, sed ex una parte bonis ville dicte Ermbreschwile⁴ contiguum cum omnibus suis pertinenciis vendicioni publice decrevimus exponendum. Et quia predicti viri religiosi . . abbas et . . conventus monasterii in Rúti Premonstratensis ordinis dyocesis prefate nobis ipsum agrum vendere desiderantibus nomine monasterii ipsorum competens precium offerebant, ipsis predictum agrum cum omnibus pertinenciis ac iuribus universis pro precio sex librarum monete Thuricensis rite et legitime vendidimus ac vendimus per presentes omneque ius proprietatis et aliud quodcumque prefate ecclesie in Jônen pertinens in agro predicto transtulimus corporaliter in eosdem viros religiosos . . abbatem et conventum predictos ac ipsorum monasterium, profitendo nos predictas sex libras integraliter ab eisdem recepisse et in usus necessarios et evidentes sepedicte ecclesie totaliter convertisse, obligantes nos et ecclesiam eandem scriptis presentibus predictis viris religiosis ac ipsorum monasterio per sollempnem stipulacionem ad plenam warandiam et ad quodlibet evictionis periculum pro ipsis in foro tam ecclesiastico quam civili nos de ipso^a) agro plenarie subituros. Et ut omnia supradicta perpetua stabilitate gaudeant, renunciamus nomine ecclesie pro nobis nostrisque successoribus universis beneficio restitucionis in integrum, defensioni non adhibite sollempnitatis, excepcionis^b) doli mali et specialiter eis, quibus mediantibus ea, que premissa sunt, ullo unquam tempore infringi possent seu quomodolibet violari, adhibitis nichilominus verborum et gestuum sollempnitatibus debitis et consuetis. In cuius rei testimonium et robur firmum presentes litteras antedictis viris religiosis . . abbati et conventui monasterii in Rv´ti tradidimus et tradimus sigilli mei munimine roboratas. Actum et datum in Jônen anno domini M°.CCC°.XXXIII°. ydus^c) iunii, indictione I^a, presentibus testibus subscriptis C. dicto Wingarter magistro hospitalis in Raprechtzswile⁵, H. dicto de Lacu civi ibidem, C. dicto Lo^vpper et Ja. fratre suo de Ermbrechtswile, C. dicto Keller de Beroltzwile⁶, R. dicto Erlibach, V^ol. dicto Wanner ac aliis fidedignis.

Source Fulltext: Chartularium Sangallense VI, Nr. 3516, S. 157.