Item ain ander brieff, der sait, wie Lucia Burckart des Stockers elichiv wirtin dem erwirdigen herren von gottes gnaden abt Herman des goczhuß ze sant Gallen¹, da er ze gericht sa^vß in sinem houe ze sant Gallen, mitt irs wirtes vnd ouch mitt irs vogtes herren Cůnrades von Ainwiler² gunst vnd willen vff geben ha^vtt in des vorbenemten herren hand den houe vnd alles das dar zů geho^ert, den man nennet des Mellen gůt vnd ze Oberstainach³ gelegen, vnd von irs bettz wegen hatt der iecz genempt herr den selben hoff geliehen den ersamen lúten Johansen dem Plarer amman der statt ze sant Gallen⁴ vnd Sphan^a) Vo^elin burger zů der selben sta^vtt, die in kůfft hattend. Datum do man zalt drúzechenhundert jar vnd vier vnd drissig jar.

Source Fulltext: Chartularium Sangallense VI, Nr. 3571, S. 202.