Wir Ludwig von gots gnaden Romischer keyser ze allen ziten merer des richs veryehent offenlich an disem brief, das wir niht wo^ellen, daz yeman von den lau^eten noch von den gůten, die in den hof Krieseron¹ geho^erent, die vnser vnd des richs sint, mer vorder noch nem von vnsern noch von des reichs wegen, vnd ob wir di gult yemant versatzten, von den selben lau^eten vnd gůten dann iren gewonlichen dinst, den sy bey keyser Fridreichen vnd ku^enig Růdolffen² vnsern voruordern geben haben. Vnd wellen nicht, das sy yemant v´ber ir alt gewonhait beswa^er oder dreng mit dehainen sachen. Swer es dar vber ta^et, der ta^et swârlich wider v´nser vnd des richs huld. Dar vber ze vrchund diß briefs^a), der geben ist vor Merspurg³ an sant Margreten tag nach Christus gepurt dreuzehenhundert jâr, dar nach in dem vierden vnd dreizzigistem jâr, in dem zweintzigistem jâr vnsers riches vnd in dem sibenden des keysertůms.

Source Fulltext: Chartularium Sangallense VI, Nr. 3557, S. 193-194.