Wir Ludowig von gots genaden Romischer keyser ze allen ziten merer des richs veriehen offenlich an || disem brief, daz wir dem erwirdigen Herman abbt ze sand Gallen¹ vnserm lieben fursten geheizzen || haben bei vnsern genaden, daz wir im vmb sein dinst, die er vns vnd dem rich tu^et, geben || vnd tu°n sullen allez, daz vns die edlen mann Bercholt^a) graf ze Greyspach vnd Marsteten genant von Neyffen² vnd graf Rudolf von Hohenberg³ gen im dar vmb heizzent tu^en, vnd swes wir im darumb schuldig werden, des sullen wir in verrichten nach irm rat, dar an den vorgenanten vnsern fursten abbt Herman genu^egt. Vnd dar vber ze vrchunde geben wir im disen brief versigelten mit vnserm keyserlichem insigel. Der geben ist ze Munchen an der mitwochen vor vnserer frowen tag in der vasten, nach Christus geburt driutzehenhundert iar, dar nach in dem fumften vnd dreizzigstem iar, in dem ein vnd zweintzigstem iar vnsers richs vnd in dem achten des keysertums.

Source Fulltext: Chartularium Sangallense VI, Nr. 3581, S. 208.